Selección Compostec

Como parte do proxecto da Canteira Picheleira, a Selección Compostec serve como punto de encontro entre os diferentes xogadores da base e dos clubs conveniados.

De forma mensual, realizanse xornadas de convivencia, con sesións de adestramento levadas a cabo por diferentes técnicos da Canteira Picheleira, en colaboración con adestradores dos clubs conveniados. Nestas xornadas, os cativos coñécense, comparten un agradable encontro futboleiro e encamiñan a preparación para a participación en torneos de verán.

Estas actividades teñen lugar baixo o paraugas e colaboración fundamental das Coordinacións Deportivas dos clubs conveniados, que dan forma, como punto de partida, ás Seleccións e que, en permanente contacto, colaboran co correcto funcionamento da Sección.

O principal obxectivo é servir como oportunidade para os xogadores e xogadoras da contorna e ofrecerlles un contexto de enriquecemento persoal e deportivo de proximidade e identificación coa SD Compostela. Todo isto realízase mediante a práctica do fútbol e baixo uns parámetros metodolóxicos comúns. Así, achéganse ao funcionamento da Canteira Picheleira, pero sen perder a vinculación co seu Club de orixe.