Tachi, de 29 anos, foi titular do Vilalonga en Terceira nas tres anteriores campañas. O central, quen xa xogara no Compos en Segunda División B, formou parte do Pontevedra de Segunda División, Celta B, San Isidro de Tenerife, Guadalajara, Negreira e Santiago.
Este domingo non poderá disputar a Copa Deputación, pero móstrase con ganas de dar o mellor de si mesmo no Compos.
A que te dedicas fóra dos terreos de xogo?
Fai pouco que rematei os estudos o ano pasado traballei nunha empresa de ocio e tempo libre. Agora, no verán, volvo traballar alí.
En que invirtes o teu tempo de ocio?
Son moi “casero”, gústame pasar tempo na casa ca miña familia e ca miña moza. Tamén paso moito tempo vendo Baloncesto, encántame! Especialmente a NBA.
Cal é o teu rincón favorito de Galicia?
As praias do Barbanza.
Cal é o teu xénero de cine favorito?
Calquera agás o cine fantástico.
Cal é o tipo de música que máis che gusta?
Todo tipo de música , se teño que mencionar a alguén diría Lenny Kravitz , El canto del loco ou Maná.
Que destacarías como a túa maior virtude? E defecto?
Son moi responsable, e defecto… Son cabezón.
Onde quererías ir de viaxe?
New York, sen dúbida.
Algún soño por cumprir?
Moitos a nivel persoal e tamén a nivel deportivo.
Quen é o teu ídolo futbolístico?
Non teño ningún ídolo, no meu posto para min o mellor e Sergio Ramos, e outro xogador que sempre me encantou foi Fernando Redondo.
De que equipo eres afeccionado?
Real Madrid.
Cando e como comezaches no fútbol?
Comecei no CD Boiro con 8 anos.
Ata onde che gustaría chegar como futbolista?
A verdade é que me gustaría chegar co Compostela o máis arriba posible sendo importante no equipo.
Por que elexiches a SD Compostela nesta tempada?
Pola seriedade que transmite o club nos últimos tempos e porque pasei 6 anos fantasticos no Compos no pasado e sempre me sentín moi a gusto. Sei que para moita xente o Compos é un sentimento e ademais por afección , infraestruturas e historia é un dos grandes de Galicia.
Que cualidades podes aportar ó conxunto?
Traballo e ilusión sobre todo, e tamén experiencia e compromiso.
Que cres que diferencia ó Compostela do resto de equipos?
Como dixen antes, para moita xente o Compos é un sentimento, e iso é un valor que non teñen moitos clubs , cando pasas tempo aquí decátaste rápido . Cando estiven na canteira do Compos foi o que máis me chamou a atención.
Que che parece o equipo configurado para esta tempada en Terceira División?
Temos un moi bo equipo pero hai que ser humildes e ser realistas: estamos en Terceira e somos un equipo máis que se vai ter que gañar as cousas no campo. Non vai ser sinxelo, o exemplo está noutros grandes como o Ourense que tardou catro anos en subir, ou o Rácing de Ferrol que leva tres, ou o Pontevedra…
