A S.D. Compostela e a Asociación de Dano Cerebral de Compostela Sarela puxeron en marcha un proxecto de colaboración para a formación deportiva dun grupo de mozos e mozas con dano cerebral adquirido. Nesta semana celebrouse a presentación do grupo co adestrador de cadete local, Iván Castelo.
O obxectivo principal deste programa é fomentar a participación social dun grupo de mozos e mozas con dano cerebral adquirido, con idades comprendidas entre os 28 e os 35 anos. Grazas aos adestramentos poderán adquirir formación deportiva, traballar os valores de equipo e reducir ao illamento que provoca a discapacidade.
Os adestradores da S.D. Compostela traballarán a preparación deportiva e as habilidades do grupo na práctica do fútbol sala. Os adestramentos van ter unha periodicidade semanal e realizaranse nas instalacións municipais do Pavillón do Restollal.
O dano cerebral é unha discapacidade adquirida ao longo da vida, e pouco habitual en persoas novas. A súa irrupción provoca un distanciamento do contorno social da persoa. É por iso que Sarela ten como prioridade o desenvolvemento de actividades que, como esta, se realicen no contorno comunitario. Traballar os valores deportivos e de equipo é tamén moi importante para a normalización social deste grupo de mozos e mozas.
A Asociación de Dano Cerebral de Compostela Sarela é unha entidade sen ánimo de lucro formada por persoas con dano cerebral adquirido, familiares e socios colaboradores. Constituíuse no ano 2000 e ten como obxectivo mellorar a calidade de vida e defender os dereitos das persoas con dano cerebral adquirido da área sanitaria de Compostela. Esta epidemia silenciosa afecta a 35.000 persoas en toda Galicia.A S.D. Compostela e a Asociación de Dano Cerebral de Compostela Sarela puxeron en marcha un proxecto de colaboración para a formación deportiva dun grupo de mozos e mozas con dano cerebral adquirido. Nesta semana celebrouse a presentación do grupo co adestrador de cadete local, Iván Castelo.
O obxectivo principal deste programa é fomentar a participación social dun grupo de mozos e mozas con dano cerebral adquirido, con idades comprendidas entre os 28 e os 35 anos. Grazas aos adestramentos poderán adquirir formación deportiva, traballar os valores de equipo e reducir ao illamento que provoca a discapacidade.
Os adestradores da S.D. Compostela traballarán a preparación deportiva e as habilidades do grupo na práctica do fútbol sala. Os adestramentos van ter unha periodicidade semanal e realizaranse nas instalacións municipais do Pavillón do Restollal.
O dano cerebral é unha discapacidade adquirida ao longo da vida, e pouco habitual en persoas novas. A súa irrupción provoca un distanciamento do contorno social da persoa. É por iso que Sarela ten como prioridade o desenvolvemento de actividades que, como esta, se realicen no contorno comunitario. Traballar os valores deportivos e de equipo é tamén moi importante para a normalización social deste grupo de mozos e mozas.
A Asociación de Dano Cerebral de Compostela Sarela é unha entidade sen ánimo de lucro formada por persoas con dano cerebral adquirido, familiares e socios colaboradores. Constituíuse no ano 2000 e ten como obxectivo mellorar a calidade de vida e defender os dereitos das persoas con dano cerebral adquirido da área sanitaria de Compostela. Esta epidemia silenciosa afecta a 35.000 persoas en toda Galicia.
