Bautista: «Gustaríame deixar ao Compostela o máis arriba posible»

17 de abril de 2012

Juan Bautista (08/09/1977. Vila de Cruces) é un dos xogadores veteranos da Esedé. Conta cunha extensa carreira futbolística, formando parte dun gran número de equipos de todo o territorio español. Esta é a súa primeira tempada coa camiseta branquiazul e está demostrando as súas dotes defensivas e, tamén, goleadoras.

A que te dedicas fóra dos terreos de xogo?
Gústame esquecerme completamente do fútbol. Nestes momentos estou somerxido na busca de traballo.

En que invistes o teu tempo de ocio?
No inverno, sobre todo escribir, ler, música, internet, ver unha película  (modo sofá e mantiña) ximnasio, amigos, aprender, un café, etc. No verán, aproveito para ir á praia, irme de tapas e viaxar (sempre que se poida).

Cal é o teu recuncho favorito de Santiago e Galicia?
De Santiago, quédome coa Praza da Quintana. Sentarse nas escaleiras e pasar unha boa tarde primaveral cun xeado, pensando e vendo pasar á xente. De Galicia, coas Rías Baixas que tan bos recordos me traen da infancia e que, agora, xa de adulto, sigo gozando desa preciosa zona.

Que xénero de cine prefires?
Histórico, baseado en feitos reais.

Cal é o tipo de música que máis che gusta?
Que nunca me falte a música! Sempre dispoño de toda clase de estilos musicais para poder escoller en cada momento o máis axeitado.

Maior virtude? Defecto?
En canto a virtudes, eu diría que ser boa persoa e tentar sempre aprender de todo o mundo. E defectos, teño demasiados. Son demasiado analista, pouco caradura, distante, borde, algo antisocial, raro, e un longo etc.

A onde che gustaría viaxar?
Australia, Amazonas, Kenia, etc.

Algún sono por cumprir?
Sempre quixen xogar en Primeira División pero creo que ese soño vai quedar para sempre na lista dos “debe”.

Quen é o teu ídolo futbolístico?
Emilio Butragueño e Arconada

De que equipo es afeccionado?
Real Madrid

Cando e como comezaches no fútbol?
Pois empecei neste mundo no mesmo intre que me puiden poñer de pé por min mesmo. Sempre estaba cun balón entre os pes e era algo que me encantaba. Con oito anos inscribinme na Escola de Fútbol Deza, de Lalín, e ata o día de hoxe.

Ata onde che gustaría chegar como futbolista?
A día de hoxe gustaríame deixar ao Compostela o máis arriba posible, sendo unha das pezas importantes dentro do grupo.

Con que compañeiro te levas mellor dentro do vestiario?
Lévome moi ben con todo o mundo pero teño máis trato con Louro ou Castiñeiras. Tamén tento aprender de Jorge e Julián. A Garabal tento facerlle o menos caso posible porque me leva polo mal camiño (risas).

Tes algún alcume dentro do equipo?
Adoitan chamarme Bau.

Que balance farías da túa estancia na S.D. Compostela?
Ata o de agora estou encantado de xogar nun club tan grande  e de vivir en Santiago, que sempre foi unha cidade que me encantou. Espero seguir ligado a este equipo e a esta cidade o maior tempo posible.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

2 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

2 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

2 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

3 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.