-
A expulsión de Ocaña, tras un bo inicio do Compos, marcou o duelo no Vao
Vigo, 16 de marzo de 2025
A SD Compostela caeu no Vao nun derbi marcado pola expulsión de Ocaña na primeira metade. 2-0 final contra o Coruxo que impide aos nosos saír dos postos baixos da táboa.
No derbi do Vao, o Compos saltou ben ao terreo de xogo, gozando de dúas moi boas oportunidades na primeira media hora. Markitos atopouse cunha parada milagrosa de Alberto e a Manu Barreiro escapóuselle un disparo coa esquerda desde dentro da área.
Esa falta de acerto penalizouna o Coruxo co tanto de Willy, aos 25 minutos, despois dunha longa condución, abrindo vinte minutos fatídicos para os compostelanistas, xa que dez máis tarde chegaría a vermella directa a Ocaña e, na última acción do primeiro acto, os locais anotaban o segundo a balón parado.
Na segunda metade, cun menos, o Compos foi quen de levar o peso do partido, tendo máis preto recurtar distancias que encaixar outro gol. A máis clara tívoa Hugo Matos, tras unha gran xogada, pero atopouse, no seu disparo desde o punto de penalti, coas pernas dun defensa. O tanto non chegou, polo que os nosos non puideron tampouco igualar o goalaverage.
Trala derrota non queda outra que levantarse porque este mércores chega un novo derbi para tentar sacar a cabeza. Será contra o Fabril, ás 21.00 horas, no Vero Boquete, no duelo aprazado polo temporal.
FICHA TÉCNICA
2 – Coruxo FC: Alberto; Terranova (Brais Penela, min.86), Guido, Borja, Naveira; Andriu; Álex Pérez (Hugo Rodri, min.86), Borja Domínguez (Nacho Fariña, min.59), Willy Ibáñez, Álex Rey (Fer, min.59); e Añón (Serrano, min.69).
0 – SD Compostela: Rabanillo; David Soto, Álvaro Casas, Ocaña; Roque (Santi de Prado, min.46), Fausto Tienza (Selasi, min.77), Samu (Hugo Matos, min.46), Manu Rivas; Markitos (Carlos Pérez, min.56), Fer Cano, e Manu Barreiro (Iker Gil, min.56).
Goles: 1-0: Willy Ibáñez, min.25; 2-0: Borja, min.45+1.
Árbitro: Expulsou a Ocaña (min.35) con vermella directa. Ademais, amoestou a Borja Domínguez, polo Coruxo; e a Santi de Prado, polo Compos.
Incidencias: Campo do Vao (Vigo). Xornada 27 do Grupo 1 da Segunda RFEF disputado ante uns 500 espectadores. Gran presenza de afeccionados do Compos.
