O club, que compite os seus partidos como local no Estadio Verónica Boquete de San Lázaro, conta cunha importante masa de seguidores, como demostran os seus máis de mil abonados.

Ademais, a forza do Compos mídese tamén na importante canteira que posúe, sendo unha das principais de Galicia. Así, baixo o paraugas da Canteira Picheleira, inclúese un equipo filial, que serve de ponte para o primeiro equipo, así como unha importante cantidade de equipos da base, conformada por máis de 400 nenos e nenas. Do mesmo xeito, esta importante canteira susténtase tamén cos convenios asinados con clubs de Santiago e municipios limítrofes.