O club, que compite os seus partidos como local no Estadio Verónica Boquete de San Lázaro, conta cunha importante masa de seguidores, como demostran os seus máis de mil abonados.
Ademais, a forza do Compos mídese tamén na importante canteira que posúe, sendo unha das principais de Galicia. Así, baixo o paraugas da SD Compostela, inclúense dous equipos filiais, que serven de ponte co primeiro equipo, así como unha importante cantidade de equipos da base, conformada por máis de 400 nenos e nenas. Do mesmo xeito, esta importante canteira susténtase tamén cos convenios asinados con clubs de Santiago e municipios limítrofes.
Esta oferta complétase coa Compostec, con adestramentos de tecnificación para todos os rapaces e rapazas interesados na mellora deportiva, así como coa Academia SD Compostela, para que os nenos e nenas compaxinen os seus estudos coa práctica deportiva.
En todo caso, a SD Compostela non só está presente no ámbito futbolístico, senón que conta tamén con club de atletismo (SD Compostela Atletismo) e tenis de mesa (Arteal SD Compostela TM), recente subcampión de Liga e Europeo.
Cunha nova dirección deportiva, os Campus Xacobeos ofrecen unha diversión asegurada para os nenos e nenas, entre 5 e 16 anos, que o desexen nas súas vacacións escolares. Múltiples sedes, materiais innovadores e actividades lúdicas enchen de ilusión aos participantes.
Contacto: 601 90 95 74 (Dirección)
RdP Luisito | SD Compostela 0-3 RC Deportivo Fabril
youtu.be
Rolda de prensa de Luisito trala derrota na casa contra o Fabril
