A S.D. Compostela non consegue a remontada e perde ante o Coruxo malia a súa entrega

23 de Abril de 2016

Coruxo web

A S.D. Compostela afrontaba un partido vital ante o Coruxo F.C. na loita pola permanencia e o equipo estivo arroupado por 1.700 persoas no estadio de San Lázaro. Non obstante as cousas complicáronse para os locais nada máis comezar o encontro, pois no minuto 1 Cifuentes remataba de cabeza un córner e poñía o 0-1 no marcador. O tanto anotado deixou descolocado aos de Fredi, pero conscientes de que aínda quedaba moito partido, souberon manter a calma e  tomaron as rendas dun partido que se iniciou de xeito adverso.

Pese á forte defensa do equipo dirixido por Rafa Sáez os locais fixéronse coa posesión do balón e buscaron a portería rival. No minuto 16 Guillem Martí dispuxo dunha boa ocasión, pero o seu disparo foi recortado pola zaga do Coruxo. Pola súa banda Rafa Sáez viuse obrigado a efectuar o seu primeiro cambio no minuto 18 dando a entrada a Pablo por Anxo, que se retiraba do terreo de xogo por molestias físicas.

O Compostela non baixaba os brazos e co paso dos minutos chegou o gol do empate nunha xogada a balón parado por medio dun saque de falta de Dani Hernández que rematou maxistralmente Sergio Sánchez. A alegría estalou en San Lázaro que animaba ao seu equipo na procura dunha vitoria aínda posible. Pero o mazazo chegou aos dous minutos cando, nunha xogada de contraataque pola banda, Rafa Mellase quedou só ante Pato e selou o segundo gol do Coruxo cun disparo raso e pegado ao poste.

O segundo tanto foi un jgolpe desestabilzador para os locais que aínda dispuxeron dun par de ocasións antes do descanso cun remate de Manu Rodríguez que se escapaba alto ou o bo intento de Jordan, que tras librarse dos seus defensores, lograba disparar a portería, pero Brais, o porteiro do Coruxo, atrapaba sen maior dificultade o esférico.

Tralo paso por vestuarios o partido perdeu intensidade, pero o Compostela, que mantiña a posesión do balón, intentábao sen fortuna. Manu Rodríguez disparaba raso e con potencia dende fóra do área, pero Brais lograba atrapar o balón nunha boa estirada. Tamén o dianteiro balear Guillem Martí dispuxo da mellor oportunidade para lograr o empate cando no minuto 66 quedábase nun man a man con Brais, pero de novo o balón marchábase desviado.

Fredi buscou un revulsivo e gañar velocidade polas bandas cedendo minutos a Goti e Jesús Varela, pero a boa defensa dos de Rafa Sáez e a loita psicolóxica contra os minutos que trascurrían, apenas deixaron marxe de oportunidade para a S.D. Compostela. O último intento tívoo Guillem nas súas botas pero o balón escapábaselle longo.

Ao final O Coruxo F.C. levouse os tres puntos certificando o seu permanencia na categoría, pola contra o Compostela afrontará o próximo partido ante o Real Rácing Club Santander coa obriga de gañar nunha situación extrema. O adestrador da S.D. Compostela, Fredi Álvarez, manifestaba en roda de prensa que “temos que esperar a mañá, a situación é límite e as posibilidades son poucas”. O técnico quixo agradecer o apoio da afección e lamentou non poder corresponderlles cunha vitoria ainda que “acabaremos a tempada coa maior dignidade posible”, asegurou.

FOTOGRAFÍA: Amadeo Rey

FICHA TÉCNICA

S.D. COMPOSTELA (1): Pato, Josu-(Jesús Varela, min 71), Jimmy, Javi Moreno-(Fondevila, min 82), Portela, Sergio Sñanchez, Dani Hernández-(Goti, min 63), Manu Rodríguez, Guillem, Bicho, Jordan.

CORUXO F.C. (2): Brais, Anxo-(Pablo, min 17), Cristóbal, Acoidan, Alberto García, Cifuentes, Adrián-(Lamas, min 79)), Raúl, Rafa Mella-(Birane, min 86), Santi Comesaña, Pedro Vázquez.

GOLES: 0-1 (min 1, Cifuentes), 1-1 (min 24, Sergio Sánchez), 1-2 (min 26, Rafa Mella)

ÁRBITRO: Santiago Varón do Comité Territorial Balear amonestou con tarxeta amarela por parte do Coruxo F.C. a: Alberto García (min 45 1), Santi Comesaña (min 53), Pedro Vázquez (min 76), Rafa Mella (min 80).

Por parte da S.D. Compostela amonestou con tarxeta amarela a: Sergio Sánchez (min 59), Javi Moreno (min 65), Bicho (min 82).

INCIDENCIAS: Partido correspondente á xornada 35 do Campionato Nacional de Segunda División ‘B’ do Grupo ante 1.737 persoas. Gardouse un minuto de silencio en memoria de Garrincha, ex xogador do Compostela.

Youtube

Instagram Compos

Flickr Amadeo Rey

  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1
  • COMPOSTELA- 0 LANGREO- 1

Instagram Canteira

Twitter Canteira

Facebook

2 hours ago

SD Compostela
⌚️ Abril comezará cun derbi para os nosos en terras viguesas ⚽️ X30🆚 CORUXO F.C. 🗓️ 07.04.24⏰ 12.00🏟️ O Vao#CoruxoCompos ... See MoreSee Less
Ver en Facebook

23 hours ago

SD Compostela
🎙️ 𝐑𝐝𝐏 | Antón Permuy e Samu🗣️ O adestrador e capitán da SD Compostela analizaron o momento do equipo e o duelo ante o CD Guijuelo do domingo📸 Acompañounos Mónica Pereiro, da Clínica & akt, patrocinadora do encontro#ComposGuijuelo ... See MoreSee Less
Ver en Facebook

2 days ago

SD Compostela
🤝 Roque e Escoruela tiveron a pasada semana un encontro con 220 alumnos do CPI Colexio Nosa Señora do Rosario de Arzúa🩵🤍 Na visita, enmarcada nas actividades de promoción do deporte do noso patrocinador Proxecto Touro - Cobre San Rafael, entregaron invitacións para o duelo contra o CD Guijuelo e tiveron unha entretida charla cos cativos#composguijuelo ... See MoreSee Less
Ver en Facebook

2 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎 👉 Euse foi operado onte da súa rotura do ligamento cruzado anterior do xeonllo dereito💪 Moito ánimo, Euse! Volverás máis forte, estamos seguros! Un día menos para volver! ... See MoreSee Less
Ver en Facebook

3 days ago

SD Compostela
Hoxe está de aniversario Juampa 🩵🤍🎂 Moitos parabéns! Oxalá que veña acompañado este domingo desa vitoria tan necesaria que todos estamos desexando! 🙌 ... See MoreSee Less
Ver en Facebook

All contents © copyright SD Compostela. All rights reserved.