A S.D. Compostela presenta o seu I Campus de Verán aberto a rapaces entre 5 e 18 anos cun total de cen prazas dispoñibles. O Campus levarase a cabo no Campo Municipal de As Cancelas dirixido polos adestradores da base do Compostela que inculcarán aos participantes coñecementos técnicos sen esquecer o aspecto lúdico e social.
A través desta actividade, que se levará a cabo entre o luns 27 de xuño e o venres 1 de xullo o club pretende consolidar o seu traballo de base e fomentar entre os mozos da cidade e a contorna as posibilidades educativas do deporte en xeral e do fútbol en particular achegando hábitos, valores e estilos de vida saudables. Todo iso acompañado do obxectivo de progresar e perfeccionar os aspectos técnicos e tácticos do fútbol tanto a nivel individual coma colectivo.
¿Vaste perder esta oportunidade na túa cidade? A continuación toda a información detallada que precisas saber sobre o noso Campus e como anotarte:
- ¿A QUÉN VAI DIRIXIDO?
A nenos e nenas entre 5 e 18 anos ata cubrir as 100 prazas dispoñibles.
O Campus estará dirixido polos adestradores da base da S.D. Compostela, que contan con formación e experiencia e serán os encargados de orientar e preparar aos participantes. Tamén se contará con preparador físico e adestrador específico de porteiros.
- ¿QUÉ DATAS E HORARIOS?
O I Campus da S.D. Compostela terá lugar entre o luns 27 de xuño e o venres 1 de xullo en horario de xornada de completa de 10:00 a 13:00 e de 16:00 a 19:00 (aqueles que se inscriban a media xornada poderán optar entre o horario de mañá ou de tarde).
- ¿ONDE SE LEVARÁ A CABO?
O Campus desenvolverase no Campo Municipal de As Cancelas de Santiago de Compostela á beira do centro comercial e cerca do Estadio Multiusos de San Lázaro.
- ¿CÁNTO COSTA?
Xeral: 120€
Federados de fútbol: 115€
Abonados ou fillos de abonados: 105€
Canteira da S.D. Compostela: 60€
Irmáns de inscritos: 70€
Media xornada: 80€
A posibilidade de comida serán 35 € a maiores
- ¿QUÉ INCLÚE O NOSO CAMPUS?
-Seguro de accidentes
-Equipación de camiseta e pantalón
-Auga, froita e tentempés a diario
-Diploma ao acabar o Campus que acreditará a súa participación
-Comida opcional (35€) na Cafetería Lois do Centro Comercial As Cancelas.
- ¿CÓMO ME INSCRIBO?
Poderás inscribirte de dous xeitos:
1. De xeito directo e con pago en efectivo nas nosas oficinas situadas no Estadio Municipal de San Lázaro.
2. Descarga a ficha de inscrición aquí: Descargar díptico de incripción.
– Realiza o abono a través de transferencia bancaria no número de conta:
ABANCA ES 59 – 2080 – 0300 – 8030 – 4015 – 1179
– Entrega a ficha de inscrición e o xustificante bancario nas nosas oficinas ou no e-mail: sdcompostela@sdcompostela.com
- MÁIS INFORMACIÓN
Poderás obter máis información nas nosas oficinas situadas no Estadio Municipal de San Lázaro en horario de: 10:00 a 14:00 e de 16:00 a 21:00 e no número de teléfono: 981-57- 70- 41.
