Santiago de Compostela, a 3 de Agosto de 2017.
Borja Márquez e Samuel Marque, canteiráns que estaban a realizar a pretempada ás ordes de Yago Iglesias non seguirán no Compos. Ambos, recentemente terminada a súa etapa de xuvenís, foron reclamados polo técnico ribeirense para realizar os adestramentos estivais co primeiro equipo, optando a un posto dentro do primeiro plantell, obxectivo non conseguido finalmente.
Por iso, queremos desexarlles a maior das sortes para o seu futuro deportivo. Esperamos que atopen acomodo nun gran club e que demostren todo o seu potencial, como xa o fixeron nas nosas categorías inferiores e nos adestramentos e amigables do primeiro equipo.
