- Todos os encontros xogaranse entre a mañá e a tarde do 16.
Santiago de Compostela, a 15 de Decembro de 2017.
Tras unha xornada estraña, na que apenas se xogaron encontros por diferentes motivos, chega unha nova fin de semana cargada de partidos, a excepción do alevín de primeira e o benxamín que xa acabaron as súas respectivas ligas. Entre os partidos, os xuvenís queren manter as súas boas dinámicas.
Con tres vitorias consecutivas, o Xuvenil de Nacional quere outra semana sumando e para iso terá que superar ao CD Boiro, nun partido que se xogará o sábado ás 16.00 horas en Vista Alegre (Boiro).
Á mesma hora, no campo da Merced, tamén disputará o seu encontro o xuvenil B, enfrontándose tamén a un equipo da localidade do Barbanza, o EFM Concello de Boiro.
Este último equipo será o rival do cadete. Os branquiazuis viaxarán a Cabo da Cruz para medirse ao equipo local, nun partido que se iniciará ao mesmo tempo que os dous anteriores.
En infantís, ambos xogarán o sábado pola mañá no campo da Merced. O A será o primeiro en entrar en liza, ás 9.30 horas, contra o Escola de Fútbol de Boqueixon, mentres que o B saltará ao campo ás 11.15 horas para enfrontarse ao Escola de Fútbol Silleda.
