-
Salvo o Cadete, todos os equipos da base xogarán no seu campo.
Santiago de Compostela, a 8 de Marzo de 2018.
Os equipos das categorías inferiores da SD Compostela xogarán unha xornada na que todos, menos o Cadete, disputarán os seus encontros no seu feudo. Unha pura casualidade nuns días nos que descansarán o Infantil B e o Alevín B.
En primeiro lugar, o xuvenil de Liga Nacional quere volver á senda do triunfo, tras dous tropezos, superando no Municipal de Cancelas ao Pavillón Ourense. O duelo disputarase o domingo ás 12.00 horas.
Pola súa banda, o Xuvenil B quere tamén sumar de tres contra o SR Calo, o sábado ás 17.30 horas en Cancelas.
O Cadete, único equipo que xoga de visitante, comezará o seu encontro o domingo ás 10.00 horas contra o Amio SD no Municipal do Sergas.
En infantís, o A xogará de local contra o UD Bastavales, o sábado ás 12.00 horas en Santa Isabel, un choque no que tentarán sacar outra vitoria.
O Alevín para terá un complicado encontro contra o líder do playoff, o Racing San Lorenzo. Un duelo entre os equipos que están no máis alto que terá lugar o sábado ás 17.30 horas no Municipal da Barrosa, Villestro.
Por último, o Benxamín seguirá co seu playoff cun partido contra o Milladoiro SD, o sábado ás 19.30 horas en Santa Isabel.
