O Compos pasa a semifinais no desconto

8 de Agosto de 2018
Miki superando ao porteiro no primeiro gol. Foto: Amadeo Rey.
Miki superando ao porteiro no primeiro gol. Foto: Amadeo Rey.
  • Un gol de Brais Abelenda no 92 deulle o pase aos branquiazuis

Santiago de Compostela, a 8 de Agosto de 2018.

A SD Compostela xa está nas semifinais da XXX Copa Deputación da Coruña despois de superar ao Bergantiños CF en San Lázaro por 2-1. Os pichichis da pretemporada, Miki e Brais Abelenda, foron de novo os protagonistas nun partido no que volveron ver porta.

Tras unha primeira parte moi igualada, na que ambos os conxuntos tiveron oportunidades pero non foron capaces de aproveitalas, na segunda desatáronse as hostilidades e caeron os goles.

O primeiro en ver porta foi o Compos grazas á velocidade de Miki Villar. O de Nigrán, que acababa de entrar ao campo, aproveitou un pase picado por encima da defensa de Marcos Remeseiro para adiantarse ao meta e batelo por baixo cun punteirazo.

Con todo, aos catro minutos, no 65, Borja Facal empataba de novo o encontro grazas a unha xogada na que levou tres rexeites consecutivos. O lateral quedou só ante Lorenzo e superouno cun toque sutil co exterior.

O partido víase abocado aos penaltis, pero apareceu a sorte dos campións. No desconto,  Saro roubou o balón na zona de tres cuartos, entregouna a un Mon que avanzou como unha frecha e deixouna ao espazo para a carreira de Brais Abelenda, quen controlou coa dereita e superou a Buggi cun disparo cruzado ao segundo pau.

O cuarto tanto da pretempada de Brais serviu así para que o equipo lograse o pase ás semifinais, onde se medirá o domingo á SD Negreira, esta vez lonxe de San Lázaro.

FICHA TÉCNICA:

2- SD Compostela: Lorenzo; Sergio Pereira, Álvaro Casas, David Uña, Naveira; Samu (Mon, m.66), Marcos  Remeseiro; Josiño (Ube, m.69), Álex Ares (Miki, m.56), Rubén (Saro, m.74); e Aythami (Brais Abelenda, m.56).

1- Bergantiños CF: Buggi; Borja Facal (Rubén, m.83), Agulló, Baleato, Aarón; Caridad, Granada; Cano (Pereira, m.84), Cañi, Toni; e Rivera.

Goles: 1-0: Miki, min.61; 1-1: Borja Facal, min.65; 2-1: Brais Abelenda, min.92.

Árbitro: González Franco, comité ferrolán. Amoestou a Josiño, polos locais, e a Toni e Granada, polos visitantes.

Incidencias: Partido de cuartos de final da XXX Copa Deputación da Coruña disputado no Estadio de San Lázaro ante 400 espectadores.

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

14 hours ago

SD Compostela
✍️𝐌𝐚𝐧𝐞𝐥 𝐌𝐞𝐧é𝐧𝐝𝐞𝐳, novo adestrador da SD Compostela!!!💪 O técnico, coñecedor da categoría e con gran experiencia no fútbol profesional, chega ao Compos tras tres grandes campañas no Marino!!! ✍️ bit.ly/FichaxeManelCompos 💙 Benvido a Compostela, Manel!!! ... See MoreSee Less
Ver en Facebook

19 hours ago

SD Compostela
🤝 Este semana visitamos aos nosos amigos de Clínica & akt para facerlle un agasallo polo bo trato e o coidado dos nosos xogadores!🙌 Por exemplo, o seu tratamento coa tecnoloxía Indiba Activ foi fundamental para acelerar a recuperación de Pato!🦶 Ademais, os seus estudos biomecánicos da pisada permiten aos nosos coidar a súa saúde!💙 Moitas grazas por seguir un ano máis ao noso carón!!! ... See MoreSee Less
Ver en Facebook

21 hours ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎Confirmouse a peor nova. As probas por imaxe (Resonancia Magnética Nuclear) realizadas a Samuel Rodriguez Noya confirmaron o primeiro diagnóstico de rotura do Ligamento cruzado anterior. Polo tanto, precisará reparación cirúrxica!💪 Moito ánimo, 𝐒𝐚𝐦𝐮!!! ESTAMOS CONTIGO!!! Volverás máis forte!!! ... See MoreSee Less
Ver en Facebook

2 days ago

SD Compostela
🍻 Cos nosos amigos de Fútbol Mahou, onte despedimos a tempada coa entrega do 🏆 ao #JugadorCincoEstrellas, que recibiu 𝐃𝐚𝐫í𝐨 𝐆𝐞𝐫𝐦𝐢𝐥!!!💙 Os nosos pecharon a campaña cun evento de convivencia no Pub Lucille, previo ás vacacións de verán!!! ... See MoreSee Less
Ver en Facebook

All contents © copyright SD Compostela. All rights reserved.