Os equipos cadetes comandan as súas ligas

18 de Setembro de 2018

Resultados-17-09

  • O Xuvenil A sumou o seu primeiro triunfo no debut en casa

Santiago de Compostela, a 18 de Setembro de 2018.

Os dous equipos cadetes da SD Compostela comezaron as súas ligas ao grande. Ambos equipos golearon esta xornada e colócanse segundo e primeiro, respectivamente. Ademais, a fin de semana tamén nos deixou o primeiro triunfo do Xuvenil A ou a derrota in extremis do filial contra un dos principais aspirantes ao ascenso.

Precisamente, en primeiro lugar, o Zona Vella caeu na súa visita ao San Mamed, principal equipo ao ascenso despois de que o curso pasado quedase a un gol de conseguilo, por 1-0. Un tanto de Jordan Vila no desconto, propiciou a segunda derrota do campionato para un filial que segue mostrando grandes facultades, pese á mocidade do plantel.

Máis sorte tivo, para sumar o seu primeiros tres puntos, o Xuvenil A. Os branquiazuis, no seu debut na casa, venceron por 3-2 á SD O Val nun partido no que estiveron por diante a maioría dos minutos. Sergio González adiantou aos nosos desde o punto de penalti no 12, vantaxe neutralizada tamén desde os once metros polos visitantes. Na segunda parte, os goles de David Calvo e Iván Calvo deixaban sentenciado o choque, aínda que Adrián recortou distancias antes do desconto. Con estes tres puntos, o xuvenil colle aire para afrontar a liga, quitándose xa o peso de lograr a primeira vitoria.

Por contra, o Xuvenil B caeu por 3-1 na súa visita á SD Bandeira, sendo Raúl García o autor do tanto santiagués, mentres que o C perdeu por 9-2 ante a SD Villestro no último amigable da pretempada. Álex Marquez marcou as dúas dianas visitantes.

Entre as mellores noticias do que vai de campaña na base están as sensacións mostradas polos equipos cadetes. O A suma xa nove puntos, en tres xornadas, despois de vencer ao CD Rois por 10-0. Hugo Pérez marcou un hat trick; Uxío Figueroa, Iker Carril e Manu Crespo, senllos dobretes, e Gerardo Lago, o tanto definitivo da mañá. Pola súa banda, o B debutou na liga tamén cun triunfo claro contra o Amio SD por 7-0, que o coloca como o primeiro líder. Iago Fernández e Sergio Vilariño anotaron dous goles cada un, aos que se sumaron os de Zubo Yang, Adrián Álvarez e Alejandro Parga.

Por último, os infantís sufriron senllas derrotas. O A caeu por 0-4 contra a potente SD Villestro, mentres que o B perdeu por 5-1 no seu amigable contra a UD Bastavales, no que marcou Tomás.

Flickr


Youtube

Instagram Compos

Facebook

54 minutes ago

SD Compostela
🔚 FINAALDeportivo Alavés B 1️⃣-1️⃣ COMPOSValioso punto dos nosos nun campo tremendamente complicado🤯🖐️Edu Sousa foi clave parando un penalti co partido 1-1 no treito final🔜🩵🤍 A vindeira semana agardamos por todos vós para recibir ao Bergantiños #minigloriascompos ... See MoreSee Less
Ver en Facebook

4 hours ago

SD Compostela
📋🩵🤍 OS NOSOS 11👨‍🏫 Carlos de Lerma🆚 Deportivo Alavés B#minigloriascompos ... See MoreSee Less
Ver en Facebook

4 hours ago

SD Compostela
🎂 Hoxe está de aniversario o noso 🐈, Iago DomínguezMoitos parabéns, Iago!! 🩵🤍Que o poidamos celebrar cunha +3⃣ esta mañá en Vitoria! 📸 Nacho Castaño ... See MoreSee Less
Ver en Facebook

6 hours ago

SD Compostela
DÍA DE COMPOS! 🩵🤍🆚 Deportivo Alavés B🏟️ Ibaia 3🕛 12:00 horas🎟️ 10€❌📺 🙌 A recuperar a senda do triunfo en Vitoria!📸 @nacho_castano_#minigloriascompos ... See MoreSee Less
Ver en Facebook

19 hours ago

SD Compostela
✅📋 CONVOCATORIA👨‍🏫 Carlos de Lerma🆚 Deportivo Alavés B👉 Os nosos para o encontro de mañá ás 12:00 horas en Vitoria! Regresan á convocatoria tralas súas lesións Ces Cotos e Armental#minigloriascompos ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.