O Compos quere derrubar o muro ourensanista

19 de Outubro de 2018

[cs_video column_size=”1/1″ video_url=”https://youtu.be/1HN7Ikt_5Tw” video_width=”500″ video_height=”250″][/cs_video]

  • Os branquiazuis buscarán regresar á senda do triunfo na matinal do domingo

Santiago de Compostela, a 19 de Outubro de 2018.

San Lázaro vivirá este domingo ás 12.00 horas un duelo de moito nivel, no que se enfrontarán o mellor ataque da categoría -os 17 goles dos nosos- contra a mellor defensa -a UD Ourense só encaixou un gol-. Ademais, o derbi da Vía da Prata mediranos a un conxunto imbatido no que militan catro ex compostelanistas.

Separados por un punto na clasificación, o tapete santiagués presenciará, a pesar dos datos, a dous conxuntos cunhas características moi similares. “A pesar de que só lle marcaron un gol, non podemos falar dun equipo ultradefensivo, xa que tenta xogar ao balón, cun medio con xogadores de ter a pelota como Fondevila”, explicou Yago Iglesias en rolda de prensa.

Ademais da súa formulación no medio, o técnico destacou a rapidez e verticalidade dos seus home de ataque, con especial atención a Rubén Arce, pero tamén a carreira dos defensas. “Empezando por Pato na portería e despois con Germán ou Josu teñen moita experiencia en Terceira e máis arriba”, detallou.

Este aspecto permitiulles comezar na liga, tras o seu cuarto ascenso consecutivo, da mellor maneira posible. “Hai que ter un equilibrio e eles tiveron a sorte de que as que xeran, métenas, e as que lle crean, non lles entran. Sacan moito rédito de moi poucos goles”, argumentou.

Ese carácter que achegan os anos permítelles sacar moitos puntos, un aspecto mental no que Yago recalca que seguen traballando. “Desde que chegamos aquí falamos disto. O equipo madurou desde aquela, pero aínda queda moito. Os xogadores que veñan o domingo estarán un paso por diante nisto porque é inherente a cada xogador”, e engadiu: “Traballámolo pero non é fácil de adestralo. Podes expor unha tarefa cun obxectivo, pero o domingo co rival enfronte é diferente. Entre o que expomos e falamos, aos poucos vaise  interiorizando, pero temos que ser conscientes que non podemos compararnos con certos rivais no nivel competitivo mental”.

Para loitar contra esta desvantaxe, Yago non poderá contar con David Uña, pero si con Álex Ares, un dos xogadores con maior experiencia do grupo. Os 17 que están ao 100 % teñen claro que o obxectivo é volver á senda de tres, no primeiro encontro no que se miden a un rival que está por encima na táboa. “Creo que é motivación máis que suficiente xogar en casa, despois de conseguir un empate ante o transatlántico da categoría, e é unha gran oportunidade para volver á senda do triunfo, e se podemos recuperar o bo xogo, mellor que mellor”, detallou.

Se o conseguen, o equipo pechará o Tourmalet con bo pé, deixando atrás un tramo do campionato que o adestrador ribeirense considera que será definitorio na segunda volta. “Aí, de verdade, si que se vai mirar quen vai quedar máis arriba ou máis abaixo”, sentenciou.

Por iso, as motivacións son múltiples para lograr o triunfo na matinal deste domingo, un horario que o curso pasado sentoulle moi ben ao equipo branquiazul. Co apoio dos seus no fortín santiagués, o Compos espera derrubar o muro ourensanista e recuperar a boa senda do inicio ligueiro.

REY_4289

Youtube

Instagram Compos

Facebook

51 minutes ago

SD Compostela
🎙️ Previa Carlos de Lerma | Xornada 10🩵🤍 O adestrador compostelanista falou sobre o estado físico dos seus, do modelo que intenta implantar e das claves que marcarán este derbi en Vilagarcía#arousacompos ... See MoreSee Less
Ver en Facebook

21 hours ago

SD Compostela
🩵🤍 Os nosos desfrutaron hoxe dunha comida grupal na Parrilla O Establo Unha visita ao noso patrocinador para facer 🍍, antes do derbi, e desfrutar dunha boa parrillaMoitas grazas pola acollida e polo bo trato, coma sempre 🥰 ... See MoreSee Less
Ver en Facebook

1 day ago

SD Compostela
🧐 Repetimos? Este domingo, na Lomba, queremos vivir unha gran tarde de fútbol como a tempada pasada!Co voso apoio podemos conseguilo de novo! 💪🩵🤍📸 Nacho Castaño #arousacompos ... See MoreSee Less
Ver en Facebook

2 days ago

SD Compostela
𝐀 𝐂𝐚𝐧𝐭𝐞𝐢𝐫𝐚 𝐏𝐢𝐜𝐡𝐞𝐥𝐞𝐢𝐫𝐚📸 Velaquí a foto de familia con todos e todas as integrantes da nosa canteira e de todos os equipos da SD Compostela e do CD Conxo Santiago O proxecto segue medrando, consolidándose como unha das referencias do fútbol base galego onde gozan do deporte más de 500 xogadores e xogadores e conta con 55 adestradores. Non só pola súa cantidade, senón tamén pola calidade dos nosos equipos é que podemos estar orgullosos e orgullosas. Actualmente seguimos presentes na División de Honra xuvenil, a categoría punteira do fútbol formativo nacional. Contamos ademais con representación na Liga Nacional e con equipos nas distintas Divisións de Honra tanto cadetes (por dobre partida) como infantil.Mirando cara abaixo a imaxe non pode ser máis positiva. O noso fútbol 8 e fútbol 7 tamén crece con seis equipos alevíns, cinco benxamíns, tres prebenxamíns e un Biberón. O curso pasado os nosos cativos e cativas fixeron historia clasificando en todas as categorías para a Fase Final do Campionato Galego. Entre todos e todas intentaremos que siga sendo un orgullo formar parte da Canteira Picheleira!🤍🩵🤍#canteirapicheleira ... See MoreSee Less
Ver en Facebook

2 days ago

SD Compostela
🖤 O primeiro equipo, no regreso ao traballo esta mañá, gardou un respectuoso minuto de silencio por Jesús de Miguel Descansa en paz ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.