-
A oferta só estará dispoñible nas oficinas do club ata o venres 2 de novembro
Santiago de Compostela, a 23 de Outubro de 2018.
Os socios da SD Compostela poderán retirar nas oficinas do club desde mañá, e ata o vindeiro venres 2 de novembro, dúas invitacións para o partido contra o CD Barco, que se disputará o domingo 4 de novembro ás 17.00 horas no Estadio Municipal de San Lázaro.
Esta oferta, por tanto, só estará dispoñible de luns a venres en horario de oficina, excepto o xoves 1 que é festivo. As oficinas, no Estadio de San Lázaro, teñen un horario partido de 10.00 a 13.00 horas e de 16.00 a 20.00 horas.
Con esta oportunidade, queremos que os nosos socios, ademais de gozar do partido, poidan convidar ás dúas persoas que lles apeteza a este interesante encontro contra un rival que ocupa as prazas de playoff e que así se enganchen ao sentimento branquiazul.
Ademais, lembramos que nas oficinas tamén temos á venda todo o noso merchandising oficial e que, aqueles que se quedaron atrasados, aínda se poden facer o seu carné de abonado do club, ao mesmo prezo.
Por outra banda, as entradas o domingo 4, día de partido, estarán a 10€ a xeral (maiores de idade) e gratis para os menores de 18 anos.
