A SD Compostela colabora con Aarón Mayo, da Casa Colibrí de México

13 de Marzo de 2019
De esquerda a dereiya.: Luis Pías, Santiago Albarrán, Antonio Quinteiro e Artemi Mini.
De esquerda a dereiya.: Luis Pías, Santiago Albarrán, Antonio Quinteiro e Artemi Mini.
  • Beal 2008 S.L. e Pías Clínica Dental tamén están presentes nesta axuda ao santiagués, ex-xogador da base do Compos

Santiago de Compostela, a 13 de Marzo de 2019.

A SD Compostela, coa colaboración das empresas Beal 2008 S.L. e Pías Clínica Dental, quixo achegar o seu gran de area ao labor humanitario que está a realizar o santiagués Aarón Mayo Araujo na Casa Colibrí de México.

Aarón, graduado en Traballo Social, emprendeu esta aventura o pasado mes de xaneiro xunto á súa noiva para axudar aos nenos e nenas de Hostotipaquillo, un pobo da serra que pertence ao municipio da Rexión Valles, do estado de Jalisco.

Alí, o ex-xogador das categorías inferiores do club, entre outras actividades, trasladounos a súa intención de crear equipos de fútbol cos pequenos que forman parte da Casa Colibrí, polo que non dubidamos en axudar nesta bonita iniciativa que quere levar a cabo.

Coa axuda de Beal 2008, entidade de distribución por xunto de enxoval de plástico e xoguetería, e Pías Clínica Dental, puidemos pechar o envío de 22 equipamentos completos, compostos por camisetas, pantalóns e medias, un lote de petos de varias cores e unha vintena de balóns de fútbol. Os dous últimos foron achegados pola primeira empresa, mentres que o centro dental asume os custos de distribución ata o país centroamericano.

O transvasamento pechouse onte na Sala de Trofeos do club, no Estadio Vero Boquete de San Lázaro, nunha reunión na que estiveron presentes o presidente Antonio Quinteiro e o secretario xeral Juan Carlos Gesto, por parte da SD Compostela; Artemi Andrea Mini, irmán de Aarón; Santiago Albarrán, xerente de Beal 2008; e Luis Pías Villamor, fundador e director da clínica dental.

Doutra banda, convidamos a todos aqueles e aquelas que así o desexen a doar fondos para esta comunidade que promove o desenvolvemento de habilidades nas familias en situación vulnerable desta zona, co obxectivo de mellorar a súa calidade de vida. Toda axuda que reciban, por pequena que sexa, serviralles para prestar un mellor servizo humanitario.

Youtube

Instagram Compos

Facebook

1 week ago

SD Compostela
Feliz Día das #LetrasGalegas2025Unha lingua, unha cultura e unha identidade propias que nos identifican 🩵🤍Este ano está dedicado ás cantareiras, e por iso queremos compartir a serie documental 'Se canto é porque quero' da Real Academia Galega 🎥 academia.gal/comunicacion/videos/agrupacion-1730767 ... See MoreSee Less
Ver en Facebook

1 week ago

SD Compostela
BONOS CORAZÓN COMPOSTELA 2025 🩵🤍👉 Mañá, ás 9.30 horas, ábrese o prazo para adquirir os Bonos Corazón🙌 Poderás utilizalos na nosa TENDA OFICIALCada persoa pode descargar ata 3 bonos de 50€ (IVE incluído), cofinanciados nun 40% polo Pazo de Raxoi Dispoñibles ata o 16 de xuño ou ata esgotar o saldo➕ℹ️ en bonoscorazoncompostela.gal#tendaoficialcompos ... See MoreSee Less
Ver en Facebook

3 weeks ago

SD Compostela
Sempre nas boas. Sempre nas malas. Sempre Compos 🩵🤍✍️ sdcompostela.com/gl/2025/05/05/sempre-nas-boas-sempre-nas-malas-sempre-compostela/ ... See MoreSee Less
Ver en Facebook

All contents © copyright SD Compostela. All rights reserved.