Elección decisiva na Laracha

26 de Abril de 2019

[cs_video column_size=”1/1″ video_url=”https://youtu.be/wqRGNt05uDo” video_width=”500″ video_height=”250″][/cs_video]

  • O Compos quere recuperar as sensacións como visitante para pelexar por todo

Santiago de Compostela, a 26 de Abril de 2019.

A SD Compostela viaxará este domingo á tarde ao Municipal da Laracha para votar nunha elección decisiva pola liga. Os branquiazuis queren recuperar as mellores sensacións como visitantes, volvendo sumar de tres, co obxectivo de seguir enganchado ao dúo de cabeza. Para iso, e buscando tamén achegarse máis ao playoff, terán que superar a un Laracha cargado de novos talentos que buscan unha oportunidade no Deportivo.

“Evidentemente, están descendidos federativamente, pero non na táboa. Por iso, seguro que pelexarán ata o final, importándolle pouco o descenso, pensando no seu futuro individual”, explicou Yago Iglesias na rolda de prensa.

Precisamente, o seu presente e posible futuro ligado á entidade coruñesa anticipa o nivel dos seus xogadores. “É un conxunto con xente moi nova, con moito futuro no fútbol e con moita calidade, o que demostra que veñen dun equipo profesional”, adiantou o técnico.

De todos, Naveira é quizais o futbolista do Compos que mellor os coñece. “Teño moitos amigos alí, porque coincidín coa maioría no Deportivo, e teñen moita proxección e moita fame, a pesar da clasificación”, explicou o lateral.

A eles, esta tempada sumaron ao barco a Óscar Gilsanz, “un adestrador máis que contrastado na categoría e que lle deu un rigor táctico a nivel defensivo”, analizou Yago. Este nivel failles moi fortes no seu campo, o Municipal da Laracha. “É un dos máis difíciles polas condicións, xa que ten moito caucho, está moi desgastado e o bote é totalmente distinto”, engadiu.

Por estas circunstancias, o corpo técnico fala de “poñerse o mono de traballo”, porque o obxectivo é dar un paso adiante lonxe do Vero Boquete. “Coñecemos ben ao rival, pero chegados a este punto e coa dinámica que temos, só pensamos en nós, en recuperar a mellor versión, a do día do Paiosaco, Céltiga, Silva ou Ourense, na que se compite ata o final e se trae o máis tres”, sinalou o adestrador.

Nesta viaxe, que ao cadrar en domingo provoca unha semana Champions máis que nunca, non estarán nin Samu, nin Miki, nin Piscu, que leva con molestias desde o Xoves Santo e que descansará. Con estas baixas e o calendario, “temos máis que claro que seguiremos coa nosa idea de rotar para chegar con ritmo ao final de competición”, finalizou Yago.

Queda un mes de liga, con cinco xornadas, e o Compos só pensa no partido a partido para poder pelexar por todo. Este domingo, na Laracha, os nosos teñen unha elección decisiva para poder alcanzar o seu obxectivo. Do que saia da urna, dependerá o futuro a curto prazo do equipo.

Youtube

Instagram Compos

Flickr Amadeo Rey

  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0
  • OURENSE- 2 COMPOSTELA- 0

Instagram Canteira

Twitter Canteira

Facebook

4 hours ago

SD Compostela
𝐂𝐑Ó𝐍𝐈𝐂𝐀 ✍🤝 O Compos sumou un novo punto en Vilalba tras empatar 0⃣-0⃣ contra o @racingvillalbes🙌 Os nosos seguen en postos de playoff unha semana máis#VillalbésCompos ... See MoreSee Less
Ver en Facebook

5 hours ago

SD Compostela
🔚 FINALRACING CLUB VILLALBÉS0️⃣-0️⃣COMPOS #villalbéscompos ... See MoreSee Less
Ver en Facebook

6 hours ago

SD Compostela
𝐃𝐄𝐒𝐂𝐀𝐍𝐒𝐎 ⏸RACING CLUB VILLALBÉS0⃣-0️⃣COMPOS 🩵🤍 #villalbéscompos ... See MoreSee Less
Ver en Facebook

6 hours ago

SD Compostela
🩵🤍 𝐎𝐒 𝐍𝐎𝐒𝐎𝐒🙌 ONCE do COMPOS para o derbi contra o RACING CLUB VILLALBÉS👨‍🏫 A entrada de David Grande, na punta do ataque, a única novidade na aliñación dos nosos#villalbéscompos ... See MoreSee Less
Ver en Facebook

7 hours ago

SD Compostela
𝐎𝐒 𝐍𝐎𝐒𝐎𝐒 💛🖤#villalbéscompos ... See MoreSee Less
Ver en Facebook

All contents © copyright SD Compostela. All rights reserved.