-
O club agradécelle o seu traballo e esforzo en todo este tempo
Santiago de Compostela, a 22 de Xuño de 2019.
Alex Ubeira Millán non seguirá na SD Compostela a próxima tempada ao non ofrecerlle o club a renovación do seu contrato. A entidade quere agradecer o seu traballo e esforzo pola elástica branquiazul na súa etapa en Santiago, así como desexarlle a maior das sortes para o seu futuro.
O mediocentro, cedido no último mercado invernal ao CD Boiro, chegou ao Compos fai tres veráns con 17 anos, procedente do Celta Xuvenil, e a pesar da súa mocidade demostrou rapidamente as súas calidades futbolísticas, o que o levou a disputar un total de 54 encontros nas súas dúas campañas e media connosco.
Ademais, neste tempo, mostrou tamén a súa forma de ser, sendo un gran profesional e á vez un magnífico compañeiro de equipo. Por todo iso, desexámoslle a maior das sortes e que poida demostrar todo o seu potencial alá onde vaia.
