-
A entidade agradécelle a súa constancia e traballo nestas tres tempadas en Santiago
Santiago de Compostela, a 24 de Xuño 2019.
Rubén Martínez Castro non seguirá a próxima tempada na SD Compostela ao non ofrecerlle o club a renovación. A entidade branquiazul agradécelle enormemente toda a súa constancia e traballo duro nestas tres campañas connosco, nas que foi unha peza importante tanto dentro do grupo como no terreo de xogo.
Rubén foi un dos últimos en chegar ao Compos no verán do 2016, pero aínda así puido demostrar rapidamente as súas calidades, ofrecendo unha progresión continua no seu rendemento durante a súa etapa en Santiago. En total, a pesar dalgunha lesión, disputou 73 encontros coa elástica branquiazul, marcando 12 goles neste tempo.
Por todo iso, agradecémoslle moito todo o achegado, tanto futbolística como persoalmente. Rubén demostrou un gran corazón, moito traballo e unha tremenda implicación polo club, polo que lle desexamos a maior das sortes para o seu futuro. Moitísimas grazas, Rubén.
