-
O filial contará cun técnico con experiencia en Terceira e Preferente para buscar o ascenso
Santiago de Compostela, a 2 de Xullo de 2019.
Fiz Rodríguez Carballo será o novo adestrador do Zona Vella a próxima tempada. O técnico da Pastoriza, coa licenza UEFA Pro e experiencia na Terceira División e Preferente, dirixirá ao conxunto santiagués, filial da SD Compostela, coa intención de lograr o ascenso á Primeira Rexional.
Na última campaña, o técnico xa estivo enrolado no proxecto de base branquiazul, adestrando ao equipo Xuvenil B. Anteriormente, no seu labor nos bancos, estivo ligado ás categorías inferiores do CD Lugo e dirixiu á SD Sarria, UD Pastoricense e Ribadeo FC, conxunto co que debutou en Terceira e co que logrou uns meritorios sétimo e cuarto lugar nos seus dous cursos na Preferente Norte.
Con Fiz, a directiva da SD Compostela confía no seu labor para desenvolver a tarefa no filial, un equipo no que se primará a continuidade dos xogadores da canteira, servindo como ponte entre a categoría xuvenil e o primeiro equipo. Así, Pedro Leis, un dos integrantes do plantel, adestrou durante o curso pasado ás ordes de Yago Iglesias e chegou a debutar na penúltima xornada de liga, no encontro ante a UD Somozas.
