“O ascenso do Compos afectaríanos para ben e agardamos que o logre”

14 de Maio de 2020
Poñentes e Patrocinador II Clínic La Excelencia del Entrenador 1
Lalo Crespo, segundo á dereita, durante a celebración do II Clínic «La Excelencia del Entrenador» no Hotel Oca Porta do Camiño.

O Hotel Oca Porta do Camiño tivo que pechar as súas portas o pasado mes de marzo como consecuencia da declaración do estado de alarma. O establecemento, que xa leva moitos anos apoiando ao proxecto branquiazul, levaba unha tendencia á alza, polo que Lalo Crespo, o seu director, agarda que, tras a súa reapertura, gozar dun verán digno.

Como lle afectou esta corentena a un hotel como o seu?

Dunha maneira moi delicada, porque tiñamos unha moi boa tendencia e dun día para outro caeunos todo. Unha tónica que foi xeral en todos os hoteis. Nós, con 160 habitacións, moitos metros cadrados de salas e restaurante foi un pau duro. Polas características de hotel grande, con cincuenta empregados e un investimento importante, magnifícase bastante, pero xa estamos a traballar na reapertura para salvar o verán.

Cando esperan volver abrir as súas portas?

Confiamos en que a reapertura sexa a finais de xuño. Tentaremos adiantar os tempos, pero non será sinxelo e máis aínda coas limitacións impostas para o movemento. Por iso, de momento non vemos claro abrir pronto.

Pola súa localización, como lles afecta a suspensión dos congresos?

Todo o que estaba previsto cancelouse, outros xa se pospuxeron e outros seguen vivos, pero vanse cambiando a medida que se achega a data. Mesmo hai algúns que se celebran de maneira virtual. Isto repercutiu en que reservas de grupos grandes internacionais caéronsenos.

En que se centrarán nesta campaña de verán?

A nivel xeral, o verán está convulso e non sabemos como vai reaccionar a xente, pero apostaremos polo turismo nacional, sobre todo, o familiar. Xa temos reservas puntuais para esas datas, aínda que dependerá moito dos clientes que queiran viaxar a Santiago, así como daqueles que o farán de maneira individual ou realizando o Camiño. Nós poñeremos toda a maquinaria para poder facer un verán digno.

En canto ao fútbol, que lle parece o playoff exprés exposto para o ascenso?

Non o considero xusto. Entendo que os catros primeiros poidan xogar unha fase, pero en todo caso, máis aló doutros moitos conceptos, o primeiro ten as mesmas opcións que o cuarto, mentres que antes tiñas dúas opcións. A un partido podes quedar eliminado, e tampouco me parece lóxico o do campo neutral. Entendo a fase, pero tería que ser doutra maneira. A dobre partido, ou que o primeiro, polo menos, teña a vantaxe de xogar no seu campo.

Que beneficios tería que o Compos ascendese a Segunda División B para un establecemento como o seu?

A relación entre Compos e o hotel é formidable, tanto co equipo directivo como co responsable de márketing. A relación é inmellorable e a idea é seguir crecendo xuntos. Se o Compos ascende, todos os equipos que veñan xogar contra el, probablemente, veñan ao noso aloxamento, xa que estamos á beira do campo e reunimos moi boas características para poder acoller a calquera equipo, xa sexa de fútbol ou de calquera outro deporte. Por iso, afectaríanos para ben e esperamos que o logre. Hai equipo, afección e unha masa importante para lograr o ansiado ascenso.

Por tanto, contará a SD Compostela 20/21 co apoio, un ano máis, do Hotel Oca Porta do Camiño?

Esta unión mantívose forte desde que estou eu, e tamén desde antes, polo que seguirá sendo así. Apoiaremos todas as iniciativas que se nos expoñan (Cea de Entroido, Clínic de Adestradores ou SD Empresarial), achegando o noso gran de area á entidade e colaborando en todo o que podemos e nos pidan.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

4 hours ago

SD Compostela
Moita sorte, Fiz 🩵🤍#CanteiraPicheleira𝐗𝐔𝐕𝐄𝐍𝐈𝐋 𝐀 𝐂𝐎𝐌𝐏𝐎𝐒🩵🤍 Fiz Rodríguez será o adestrador do 𝐗𝐮𝐯𝐞𝐧𝐢𝐥 𝐀 da @sdcompostela_oficial na tempada 24-25.⚽️ O técnico, cunha ampla traxectoria na base, ven de ascender co Cadete A á División Honra 👏🏻 Moita sorte, Fiz! ... See MoreSee Less
Ver en Facebook

1 day ago

SD Compostela
🤝 RENOVACIÓN DO ACORDO 🩵🤍👏 O @sigu_xuventudeoroso seguirá sendo o Filial do Compos na Tempada 24.25🙌 Estamos seguros que esta vinculación nos seguirá dando grandes éxitos a ambos clubs#CanteiraPicheleira ... See MoreSee Less
Ver en Facebook

2 weeks ago

SD Compostela
01.06.94 ... See MoreSee Less
Ver en Facebook

2 weeks ago

SD Compostela
🙌 Mañá temos unha cita coa historia 🩵🤍 Hai 30 anos, Santiago preparábase para o seu gran día, miles de afeccionados estaban listos para unha viaxe que nunca esquecerán⚽️ Mañá, ás 12.00, será o momento de volver a desfrutar daquel partido histórico 👇🎟 Sala 4 Cine Centro Comercial As Cancelas ✍️ Inscrición gratuíta en app.cluber.es/clubes/64770af75c3ab340920086/pagos/6644ed1dca1c1706204916 ... See MoreSee Less
Ver en Facebook

All contents © copyright SD Compostela. All rights reserved.