Exercicios recordatorios e grupos reducidos na volta aos adestramentos

5 de Xuño de 2020
Adestramento Compos 2 1
Un adestramento desta tempada en San Lázaro II. Foto: Amadeo Rey.
  • Os nosos adestrarán de mañá luns, martes, xoves e venres en San Lázaro II

Santiago de Compostela, a 4 de Xuño de 2020.

A SD Compostela está de volta. En grupos de 12 e 13 xogadores, respectivamente, o Compos volverá aos adestramentos este próximo luns 8 de xuño pola mañá. Será a primeira toma de contacto co céspede do anexo a San Lázaro tras dous meses e medio de parón, debido ao confinamento provocado pola crise sanitaria da covid-19. Neste regreso a filas, aos branquiazuis espéralle unha semana caracterizada por exercicios recordatorios.

Unha vez superados os test, previstos para a matinal deste sábado, o luns ás 10.00 horas arrincará o novo camiño cara á Segunda División B para o grupo de vinte e cinco. Os compostelanistas arrincarán ese soño con catro sesións semanais, a do propio luns e as outras o martes, xoves e venres, descansando o mércores e a fin de semana.

Todas elas levaranse a cabo, en principio, en San Lázaro II, malia que podería ser que algún día utilicen o Verónica Boquete. Precisamente, ao Estadio xa se trasladou todo o material de desinfección necesario para garantir a seguridade de todos os membros do club, por xentileza de Limpezas Salgado, patrocinador oficial da entidade.

Do mesmo xeito, como medida preventiva, os dous grupos de adestramento espaciaranse no tempo para non coincidir no campo e, ademais, empregaranse dous vestiarios diferentes. Os primeiros xogadores comezarán a sesión ás 10.00 horas, mentres que os segundos farano sobre as 11.20 horas, deixando unha marxe de media hora entre uns e outros.

Os adestramentos, nesta primeira semana, terán unha duración de entre 45 e 50 minutos, cunha folla de ruta a seguir na que o preparador físico, Álex Otero, levará a voz cantante. Así, os branquiazuis comezarán con exercicios preventivos, forza compensatoria e mobilidades, pasando a continuación ao campo.

O obxectivo no verde, nestas primeiras datas, é que teñan “contacto con balón”, apunta o corpo técnico, “con exercicios moi simples e con tarefas que tamén realizabamos o resto da tempada”, todo iso, a “pouca intensidade”. Esas sensacións co esférico pretenden que sexan a característica que os diferencie.

Por último, para terminar, os nosos realizarán algún exercicio analítico de carreira, moi simple e curto, xa que durante estas últimas semanas xa estiveron a facer ese labor, pero tamén “servirá como recordatorio”.

En canto aos dous grupos formados, no G1 (10.00) estarán Álex Díaz, Pedro Leis, Queiruga, Jimmy, Sergio Pereira, Miki, Gabri Palmás, Josiño, Hugo Sanmartín, Manu Rivas, Diego López e Primo. Pola súa banda, o G2 (11.20, aprox.) compóñeno Pato, Iker Caballero, Saro, Yosi, Álvaro Casas, Soto, Samu, Baleato, Pablo Antas, Bicho, Brais Abelenda, Antón Olveira e Christian.

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

4 hours ago

SD Compostela
🙌 RECORDA a cita que temos mañá en A Grella con 𝐋𝐮𝐢𝐬 𝐁𝐨𝐧𝐢𝐥𝐥𝐚, da Canteira Celeste, e 𝐒𝐭𝐢𝐥𝐲, adestrador do Galicia de Mugardos!!!Será a derradeira sesión da #composescola desta tempada!!!Agardámoste 👉 bit.ly/ComposEscolaAGrella📚 𝐂𝐎𝐌𝐏𝐎𝐒 𝐄𝐒𝐂𝐎𝐋𝐀 📚🙌 PECHE por todo o alto das Xornadas de Formación da #ComposEscola desta Tempada!!!💙 Será o próximo 𝐦𝐚𝐫𝐭𝐞𝐬 30, nas instalacións de A Grella braseria restaurante do camping As Cancelas de Santiago, e cunha sesión especial, na que teremos con nós a 2 grandes adestradores do Fútbol Galego: 𝐋𝐮𝐢𝐬 𝐁𝐨𝐧𝐢𝐥𝐥𝐚 e 𝐒𝐭𝐢𝐥𝐲!!!✍️ Agardámosvos!!! 👉 bit.ly/ComposEscolaAGrella ... See MoreSee Less
Ver en Facebook

10 hours ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎𝐒𝐚𝐦𝐮 sufriu o sábado, no partido en Tarazona, un accidente articular no xeonllo esquerdo. Nunha primeira valoración, os servizos médicos informan que semella ter unha lesión no ligamento cruzado anterior, agardando que as probas o confirmen!💪 Moito ánimo, Samu!!! Volverás máis forte!!! ... See MoreSee Less
Ver en Facebook

2 days ago

SD Compostela
🎥 𝐑𝐎𝐋𝐃𝐀 𝐃𝐄 𝐏𝐑𝐄𝐍𝐒𝐀 🎥🎙️ Rolda de prensa de Juan Carlos Andrés trala derrota e eliminación no playoff!!!#TarazonaCompos ... See MoreSee Less
Ver en Facebook

2 days ago

SD Compostela
🔚 𝐅𝐈𝐍𝐀𝐋S. D. Tarazona 2️⃣-0️⃣ 𝐒𝐃 𝐂𝐎𝐌𝐏𝐎𝐒𝐓𝐄𝐋𝐀 Da forma máis cruel!#TarazonaCompos ... See MoreSee Less
Ver en Facebook

All contents © copyright SD Compostela. All rights reserved.