- Pola situación epidemiolóxica será exclusivamente para abonados, con sorteo de entradas en función do aforo permitido
Santiago de Compostela, a 16 de Outubro de 2020.
O debut da SD Compostela no Estadio Verónica Boquete de San Lázaro xa ten data e hora. O Compos enfrontarase ao RC Deportivo da Coruña SAD o domingo 25 de outubro ás 17.00 horas, un derbi que será retransmitido pola Televisión de Galicia.
Pola situación epidemiolóxica, o acceso ao encontro será exclusivamente para abonados, con sorteo de entradas en función do aforo permitido para a data.
Actualmente, a cidade de Santiago atópase en Fase 3, con restricións desde o pasado 2 de setembro. Por iso, se o aforo permite o acceso de todos os abonados, serán os que accedan ao Estadio. Se é inferior, realizarase un sorteo.
