Santiago de Compostela, 3 de xaneiro de 2023
Alberto Rodríguez Fraga (A Coruña, 22/02/1989) é o novo adestrador do Sigüeiro FC para a Tempada 2022/23. O técnico coruñés de 33 anos dirixirá ao filial da SD Compostela nesta segunda parte da tempada co obxectivo de mellorar os resultados e asentar ao equipo fóra dos postos de descenso do Grupo Norte da Preferente Galicia.
O mozo técnico chega ao club de Oroso tras destacar nas últimas tres campañas no Sofán, equipo tamén de Preferente, co que conseguiu un histórico ascenso a Terceira División en 2021.
Anteriormente, na súa traxectoria profesional, tamén exerceu como Preparador Físico e Segundo Adestrador no Atlético Arteixo, Racing Vilalbés, CCD Cerceda e no FC Jumilla, da Segunda División B.
Ademais, tamén exerce como profesor na Escola Galega de Adestradores da Real Federación Galega de Fútbol.
O club deséxalle a maior das sortes e éxitos nesta nova etapa. Benvido á túa nova casa, Alberto.
