-
O club agradécelle a Elliot o seu traballo e compromiso durante esta tempada
Santiago de Compostela, 17 de xullo de 2023
Elliot Gómez non continuará na SD Compostela a próxima tempada. O club e o xogador decidiron rescindir, de mutuo acordo, o contrato que os vinculaba ata 2024.
A SD Compostela agradécelle o seu traballo e compromiso durante esta campaña na capital galega, desexándolle moita sorte para o seu futuro, tanto desde o punto de vista futbolístico como persoal.
Na súa campaña no Compos, pechou o curso con 19 encontros disputados, 4 deles como titular, para un total de 402 minutos disputados. Neles, ademais, repartiu dúas asistencias de gol.
Moitas grazas e moita sorte no futuro!
