- Hugo Matos tivo as ocasións máis claras para o Compos, pero o marcador non se moveu
Santiago de Compostela, 25 de febreiro de 2024
A SD Compostela sumou un novo punto na liga tras empatar 0-0 en Vilalba. Houbo ocasións para ambos equipos, pero o marcador no derbi non se moveu. As máis claras dos nosos estiveron nas botas de Hugo Matos, con ata tres opcións, pero hoxe non atopou a portería. Pola súa banda, atrás, os branquiazuis estiveron moi serios e deixaron a súa porta a cero por segunda xornada consecutiva. Con este empate, o Compos seguirá unha semana máis en postos de playoff.
FICHA TÉCNICA
0 – RACING CLUB VILLALBÉS: Santomé; Torrado (Pablo Rey, m.84), Quico, Vérez, Nathan, Luis; Javi Varela, Uzal; Jose Varela, Álex Pérez e Rares (Isaac, m.71).
0 – SD COMPOSTELA: Pato Guillén; David Soto, Álvaro Casas, Euse, Escoruela; Antón de Vicente, Pablo Antas (Samu, m.76); Hugo Matos (Juampa, m.66), Jaime Santos (Manu Ramírez, m.81), Parapar (Pep Caballé, m.76); e David Grande (Manu Barreiro, m.66).
GOLES: Sen goles.
ÁRBITRO: Crespo Puente (Cantabria). Amoestou a Rares, polo Villalbés; e a Pablo Antas, polo Compos.
INCIDENCIAS: Estadio da Magdalena (Vilalba). Xornada 24 do Grupo 1 da Segunda RFEF.
