-
-
O Compos sumou un novo punto nun derbi moi igualado contra o Coruxo no Vao
-
Santiago de Compsotela, 7 de abril de 2024
A SD Compostela sumou un novo punto en liga. Os branquiazuis empataron 0-0 contra o Coruxo, nun derbi moi igualado, con ocasións claras para ambos bandos, pero sen acerto de cara á portería rival.
As principais opcións para os nosos estiveron, na primeira parte, na cabeza de Kike, cun remate á saída dunha falta que sacou Johan sobre a liña; e nas botas de David Grande, nun disparo desde dentro da área que sacou Alberto abaixo; mentres, na segunda, a máis clara sería para Manu Barreiro, cunha volea cruzada de primeiras que despexou Alberto co pé de maneira milagrosa.
En defensa, pola súa banda, Pato e os tres centrais, estiveron moi seguros, unha xornada máis, sacando toda aproximación local.
Por tanto, sen conseguir perforar a meta rival, pechouse a contenda co 0-0 inicial.
O vindeiro domingo, o Compos terá unha nova oportunidade, esta vez na casa, nun gran derbi contra o Pontevedra. Será ás 16.30 no Vero Boquete.
FICHA TÉCNICA
0 – CORUXO FC: Alberto; Johan, Guido, Borja Marchante, Naveira; Dani Vidal, Mikel Carro; Álex Rey (Mateo, m.73), Pitu, Añón (Mario García, m.85); e Davo (Youssef, m.73).
0 – SD COMPOSTELA: Pato Guillén; Roque, Kike, Álvaro Casas (Pep Caballé, m.70), Antón de Vicente, Jaime Santos; Samu, Pablo Antas; Parapar (Juampa, m.81), Manu Ramírez (Jordan, m.81) e David Grande (Manu Barreiro, m.64).
GOLES: Sen goles.
ÁRBITRO: López Fernández (Galicia). Expulsou a Juampa Barros (m.92) con vermella directa. A demais, amoestou a Dani Vidal, Álex Rey, David Añón e Mateo, polo Coruxo; e a Manu Ramírez, Álvaro Casas, Roque, Parapar e Pablo Antas, polo Compos.
INCIDENCIAS: Campo Municipal do Vao (Vigo). Xornada 30 do Grupo 1 da Segunda RFEF disputado cunha gran presenza de afeccionados do Compos.
