Santiago de Compostela, a 6 de Xullo de 2016.
O porteiro zaragozano de 21 anos Raúl Marqueta Ribagorda (05/08/1994) rescindiu, na tarde de onte, o contrato que o vinculaba coa SD Compostela ata a tempada vindeira, despois de que ambas as partes chegasen a un acordo.
O cancerbeiro, que o curso pasado renovara por dúas tempadas, despídese do Compos tras dous cursos moi desiguais. Na súa primeira campaña, e a do seu debut en Segunda División B, Marqueta disputou 17 encontros co cadro branquiazul, repartíndose a titularidade con Ramón. Con todo, no curso pasado o seu protagonismo decaeu, quedando relegado á suplencia, en favor do seu compañeiro, e recentemente fichado polo Boiro, Pato Guillén. Nesta segunda tempada tan só xogou seis partidos, catro en Liga e dúas en Cópaa Federación.
Con anterioridade, Raúl Marqueta xogara nas categorías inferiores do Valencia, do Real Murcia e no filial do Huesca, de onde chegou en 2014 ao Compos.
O club quere agradecer a Raúl Marqueta o seu labor e compromiso durante estas dúas tempadas connosco, ademais de desexarlle moita sorte para o seu futuro futbolístico.
