Santiago de Compostela, a 7 de Decembro de 2017.
A fin de semana da ponte da Constitución déixanos tan só catro partidos para as categorías inferiores da SD Compostela. Do mesmo xeito que o primeiro equipo, algúns dos conxuntos da base descansarán esta xornada, aínda que por diferentes motivos. O Infantil B, Alevín A e Alevín B descansan, no caso do segundo pola retirada da competición do SR Calo, mentres que o Infantil A e o Benxamín xa xogaron onte os seus encontros e ambos perderon.
O Zona Vella tentará volver sumar algún punto na súa visita ao Municipal de Loxo (Touro) para enfrontarse ao conxunto local, a SD Touro, o domingo ás 16.15 horas.
En categoría xuvenil, os dous conxuntos están a desexar competir para manter vivas as súas xeiras positivas. O equipo de Nacional recibirá a visita do CD Lérez, pechacancelas da liga, o sábado ás 16.00 horas en As Cancelas. Pola súa banda, o B enfrontarase ao CF Noia, o sábado á mesma hora pero no Anexo ao Municipal de San Lázaro de Noia.
O cuarto en xogar será o Cadete, quen se enfrontará en As Cancelas ao Atlético Fátima. A partir das 10.30 horas da mañá desexan repetir a xesta conseguida polo xuvenil ante este mesmo equipo a semana pasada.
En canto aos partidos de onte, o Infantil A perdeu pola mínima contra o Milladoiro, 1-0. O tanto local chegou no minuto 6. Mentres que o benxamín foi goleado polo Escola Estrada.
