-
O córner oficial pecha temporalmente tras a marcha de Reizentolo de Santiago.
-
Os produtos pódense seguir adquirindo na tenda online.
Santiago de Compostela, a 15 de Marzo de 2018.
Os produtos oficiais da SD Compostela cambian de localización no día de hoxe. Este 15 de marzo a tenda Reizentolo da Rúa do Vilar pecha as súas portas temporalmente e con el noso córner oficial.
Será un punto e seguido, xa que esperamos devolver o centro neurálxico dos compostelanistas ao corazón da zona vella santiaguesa con moita brevidade.
Mentres tanto, os seguidores poderán atopar os produtos oficiais de merchandising nas oficinas do club, no Estadio de San Lázaro, así como na tenda online, albergada na páxina web oficial do club (www.sdcompostela.com).
Para adquirilos presencialmente, a roupa branquiazul estará dispoñible de luns a venres, pola mañá e tarde, e os días de partido.
