S.D. COMPOSTELA (2): Pato, Josu, Jimmy, Sergio Sánchez, Catú, Marcos Rodríguez, Jordan-(Rubén Sánchez), Mon-(Javi Moreno), Orbegozo(1)-Gerard Oliva, Dani Hernández(1), Fondevila.
R.C. CELTA ‘B’ (1): Iván, Kevin-(Rubén), Lucas, Jona-(Julio), Goldar, Borja Fernández, Luis Rioja-(Guille), Diego Alende, Borja Iglesias, Pape(1), Franco
A S.D. Compostela sumou a terceira vitoria da tempada no debut de Alberto Mariano como primeiro adestrador do plantel. Aínda que o técnico non puido sentarse no banquiño, o equipo mostrou unha boa imaxe, logrando un importante triunfo ante o Celta ‘B’ por 2 goles a 1, tres puntos necesarios para saír canto antes da parte baixa da clasificación.
O partido inclinouse ao pouco de empezar a favor dos locais. O Compostela comezou dominando, levando a iniciativa e froito dese dominio, no minuto 13, chegou o primeiro gol do Compostela nun disparo cruzado de Dani Hernández que se coou na portería do filial celeste.
Tralo gol, o partido entrou nunha fase de intercambio de golpes. Partido aberto, con chegadas á area rival por parte de ambos equipos. O Compostela puido ampliar diferenzas no minuto 32, nunha boa contra de Dani Hernández e Orbegozo. A resposta do Celta ‘B’ chegou por parte de Pape, pero un rapidísimo Catú evitou que o xogador céltico quedásese nun man a man con Pato.
O partido foise ao descanso logo dunha ocasión de Jordan, cuio disparo raso atopou a feliz intervención de Iván, o gardameta do filial do Celta.
Na segunda metade o partido converteuse nun auténtico toma e daca por ambos bandos, co Celta ‘B’ intentando levar a iniciativa e co Compostela buscando matar o partido ao contragolpe.
O Celta ‘B’ comezou a chegar con máis claridade á área do Compostela e nunha desas accións, no minuto 50, logrou o empate nunha acción na que a zaga da Esedé quedou en evidencia. Na mesma acción Pato logrou sacar dúas mans imposibles para evitar o empate pero no terceiro rexeite, Pape empuxaba o esférico e poñía o empate no marcador.
Lonxe de afundirse polo gol encaixado, a S.D. Compostela buscou a vitoria; oportunidade que chegaría dende os once metros tras unha boa incursión de Jimmy que acabou en penalti. O capitán foi claramente derribado no área por Jona. Do mesmo xeito que ante o Tudelano, Orbegozo foi o encargado de materializar a pena máxima e poñer o 2-1 no marcador.
Tralo segundo gol do cadro santiagués, o Celta B apenás inquietou a portería de Pato e ata puido chegar o terceiro do Compostela logo das boas ocasións que tiveron Rubén Sánchez e Fondevila.
O novo adestrador do Compostela, Alberto Mariano, logrou os tres puntos no seu debut e quixo dar os parabéns ós seus xogadores porque tralos cambios desta semana“foi un esforzo incrible”. O técnico manifestou en rolda de prensa que “estou contento a nivel esforzo e compromiso, a nivel bloque, pero con balón non tivemos a ideas claras, temos que evolucionar aínda”.
Tres puntos no peto e unha vitoria moi importante para o ánimo do persoal que a próxima xornada afrontará o segundo derbi consecutivo, de novo en San Lázaro, esta vez ante o líder destacado da categoría, o Rácing de Ferrol. O partido será o vindeiro domingo, 29 de novembro, ás 17:00h
