A S.D. Compostela, a pesar da súa entrega, perde ante a U.D. logroñés

11 de Xaneiro de 2016

Compos- logroñés 1

 

A sorte non sorriu á S.D. Compostela no inicio da segunda volta ante a U.D. logroñés. O equipo rioxano logrou levarse os tres puntos de San Lázaro nun partido de desgaste marcado polas adversas condicións meteorolóxicas.

Durante o primeiro tempo os homes de Alberto Mariano plantaron cara ao histórico cadro rioxano, segundo na clasificación, nun choque marcado polo estado do céspede, totalmente anegado, o que impediu ver un duelo vistoso entre ambos conxuntos. Con todos estes condicionantes, as mellores oportunidades tívoas o Compostela, que dominou con claridade a primeira metade e unha vez máis quedouse sen premio.

Jordan foi o primeiro en tantear a portería de Miguel, o porteiro da U.D. Logroñés, ao lanzar unha falta dende a frontal do área que se marchaba por enriba do traveseiro. Tamén Manu Rodríguez, na súa volta a San Lázaro, tivo nas súas botas unha gran ocasión cun potente disparo dende fora da área que obrigaba ao porteiro do Logroñés a estirarse para evitar o primeiro gol do Compostela.

As ocasións da Esedé sucedíanse pero o equipo non lograba ver porta; unha circunstancia que se está repetindo desgraciadamente en moitos partidos da tempada. Por parte da U.D. Logroñés, a acción máis clara na primeira metade chegou no minuto 42 cando, con Pato adiantado, Pere Milla intentou bater a portería cun disparo raso; ocasión que desbaratou Catú, ben colocado baixo paus.

Tralo paso por vestuarios a choiva seguía caendo de xeito intenso sobre o céspede de San Lázaro e deixaba pouco marxe a un fútbol de toque e xogo trenzado. Tendo que botar man dun fútbol máis directo, o equipo rioxano soubo aproveitar de xeito efectivo un despiste defensivo na área do Compostela. Transcorría o minuto 66 cando Joel Valencia disparaba á portería de Pato, que lograba despexar o esférico cunha boa estirada, pero Pere Milla no rexeite lograba facer o primeiro gol do partido.

O Compostela apenas tivo marxe para a reacción, pois no minuto 78 o árbitro sinalaba penalti favorable para os roxiblancos ante un cuestionado agarrón de Sergio Sánchez a Titi dentro da área. Muneta foi o encargado de lanzar a pena máxima que lle outorgou o segundo gol ao Logroñés.

O segundo tanto deixou finiquitado o partido; o que non impediu que o Compostela buscase recortar diferenzas ata o pitido final. Así, con ese 0 a 2 finalizaba o choque; unha dura derrota para o conxunto galego que demostrou que pode pelexar ante os rivais fortes do grupo. “A nivel de traballo, actitude e entrega non hai nada reprochar hoxe aos meus xogadores”, sentenciaba Alberto Mariano en roda de prensa tralo partido.

A S.D. Compostela, nunha situación crítica, xa só pensa no próximo partido ante o Peña Sport que se disputará o vindeiro domingo ás 16:45 no San Francisco Tafalla coa misión obligatoria de intentar sumar os tres puntos en liza.

Fotografía: Amadeo Rei

 

S.D. COMPOSTELA (0): Pato, Jesús Varela, Jimmy, Sergio Sánchez, Catú, Marcos Rodríguez-(Dani Hernández, min 85), Jordan-(Josu, min 79), Manu Rodríguez, Chiño, Orbegozo, Bicho.

U.D. LOGROÑÉS (2): Miguel, Santos, Paredes, Adrián León, Borja, Birane, Titi, Pere Milla-(Arnedo, min 86), Álvaro-(Carlos Fdez, min 63), Muneta, Joel Valencia -(Reguilón min 80):

GOLES: 0-1 (min 66), 0-2 (min78)

ÁRBITRO: José Alberto Pardeiro Puente do Comité Territorial Cántabro amonestou con cartóns amarelos por parte da S.D. Compostela a: Manu Rodríguez (min 6), Jesús Varela (min 33), Marcos Rodríguez (min 75), Sergio Sánchez (min77) y Pato (min 78). Por parte da U.D. Logroñés amonestou con cartón amarelo a: Joel Valencia (min 26), Borja (min 69).

INCIDENCIAS: Partido correspondente á 20ª xornada de liga con condicións climatolóxicas pouco favorables debido á intensa choiva que dificultaba o xogo. Partido disputado ante 709 espectadores no Estadio Municipal de San Lázaro.

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

11 hours ago

SD Compostela
🙌 RECORDA a cita que temos mañá en A Grella con 𝐋𝐮𝐢𝐬 𝐁𝐨𝐧𝐢𝐥𝐥𝐚, da Canteira Celeste, e 𝐒𝐭𝐢𝐥𝐲, adestrador do Galicia de Mugardos!!!Será a derradeira sesión da #composescola desta tempada!!!Agardámoste 👉 bit.ly/ComposEscolaAGrella📚 𝐂𝐎𝐌𝐏𝐎𝐒 𝐄𝐒𝐂𝐎𝐋𝐀 📚🙌 PECHE por todo o alto das Xornadas de Formación da #ComposEscola desta Tempada!!!💙 Será o próximo 𝐦𝐚𝐫𝐭𝐞𝐬 30, nas instalacións de A Grella braseria restaurante do camping As Cancelas de Santiago, e cunha sesión especial, na que teremos con nós a 2 grandes adestradores do Fútbol Galego: 𝐋𝐮𝐢𝐬 𝐁𝐨𝐧𝐢𝐥𝐥𝐚 e 𝐒𝐭𝐢𝐥𝐲!!!✍️ Agardámosvos!!! 👉 bit.ly/ComposEscolaAGrella ... See MoreSee Less
Ver en Facebook

17 hours ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎𝐒𝐚𝐦𝐮 sufriu o sábado, no partido en Tarazona, un accidente articular no xeonllo esquerdo. Nunha primeira valoración, os servizos médicos informan que semella ter unha lesión no ligamento cruzado anterior, agardando que as probas o confirmen!💪 Moito ánimo, Samu!!! Volverás máis forte!!! ... See MoreSee Less
Ver en Facebook

2 days ago

SD Compostela
🎥 𝐑𝐎𝐋𝐃𝐀 𝐃𝐄 𝐏𝐑𝐄𝐍𝐒𝐀 🎥🎙️ Rolda de prensa de Juan Carlos Andrés trala derrota e eliminación no playoff!!!#TarazonaCompos ... See MoreSee Less
Ver en Facebook

2 days ago

SD Compostela
🔚 𝐅𝐈𝐍𝐀𝐋S. D. Tarazona 2️⃣-0️⃣ 𝐒𝐃 𝐂𝐎𝐌𝐏𝐎𝐒𝐓𝐄𝐋𝐀 Da forma máis cruel!#TarazonaCompos ... See MoreSee Less
Ver en Facebook

All contents © copyright SD Compostela. All rights reserved.