A S.D. Compostela tivo o mel nos beizos para conseguir a súa primeira vitoria a domicilio na tempada co gol de Guillem Martí no minuto 36, pero o equipo leonés derribou o soño dos de Fredi ao marcar o gol do empate na segunda parte que selou un reparto de puntos ao final do encontro.
O equipo santiagués saíu a por todas no Estadio Reino de León e pesar de que o cadro leonés conseguiu dominar os primeiros minutos, os home de Fredi, ben replegados, lograban frear as contras do rival. Pouco pouco o Compostela fíxose coa posesión do balón e empezou a marcar as xogadas e a sacar vantaxe da ansiedade da Cultural, que buscaba a vitoria para manter as opcións de disputar o Play Off.
A Esedé empezou a xerar ocasións de perigo e o gol dos santiagueses chegaba no minuto 36 cando Guillem Martí recuperou un balón tras un saque de córner e logrou marcar o primeiro tanto do partido no medio da zaga leonesa.
O gol de Guillem deixou tocados aos locais e a S.D. Compostela, que se sentía máis cómoda, intentaba sacar maior vantaxe con boas accións coma unha xogada entre Jordan e Camacho, pero o disparo do portugués marchábase fóra por pouco. Tamén de novo Jordan, o mellor do cadro santiagués, tivo nas súas botas o segundo gol antes de que o árbitro pitase o descanso, pero o xuíz de liña sinalaba fóra de xogo.
Tralo paso por vestuarios as cousas cambiaron para a Esedé; o equipo dirixido por Juan Fernando, o adestrador da Cultural, saíu de novo ao terreo de xogo cunha actitude máis ofensiva e con Aketxe creando perigo nas posicións adiantadas. Con todo o Compostela aínda puido xerar oportunidades en busca do segundo gol como o man a man de Guillem con Palatatsí, o porteiro da Cultu, que finalmente logrou parar o disparo do mallorquín.
O porteiro da Cultural volveu actuar pouco despois ao despexar ao larguero un disparo envenenado de João Camacho, que estivo aportando todo o partido pero sen sorte na finalización.
A ansiedade apertaba á Cultural e Juan Fernando apurou cambios no seu once para revitalizar ao equipo dando entrada a Sultán e Gonzalo. Os cambios tiveron efecto, pois o mesmo Gonzalo puxo o gol do empate no minuto 80 cun remate de cabeza.
Durante os dez últimos minutos do encontro a Cultural foi a por todas en busca da remontada na súa feudo. Tamén Fredi apurou os seus últimos cambios dando minutos a Bicho e Javi Moreno para exprimir calquera oportunidade. Foron minutos de tolemia ata que o árbitro indicou o final do partido cun empate a uns no marcador.
A S.D. Compostela enfrontarase o vindeiro domingo ante o Burgos C.F. (17.00h), tralo empate de hoxe, San Lázaro vivirá un encontro coma se dunha final tratásese para seguir manténdose vivos.
Fotografía: María Del Blanco
FICHA TÉCNICA
CULTURAL E DEPORTIVA LEONESA (1): Jorge, Aitor Núñez, Santi Santos, Bardal, Villarejo, Nacho Matador, Marcos Álvarez-(Víctor Díaz, min 63), Iosu-(Sultán, min 72), Aketxe, Cristóbal, Javi Navas-(Gonzalo, min 72)-(1).
S.D. COMPOSTELA (1): Pato, Josu, Jimmy, Marcos Rodríguez, Catú, Sergio Sánchez, Jordan-(Goti, min 74), Manu Rodríguez, Guillem (1), Joaquín-(Bicho, min 83), Camacho-(Javi Moreno, min 89).
GOLES: 0-1 (Min 36), 1-1 (Min 80).
ÁRBITRO: Carlos Álvarez Fernández do Comité Territorial Riojanó sancionou con cartón amarela por parte da S.D. Compostela a: Josu (Min 19) Jordan (Min 39), Catú (Min 61), Joaquín (Min 70).
Por parte da Cultural E Deportiva Leonesa amonestou con cartón amarela a Cristóbal (Min 37).
INCIDENCIAS: Partido correspondente á 27ª xornada de liga no Estadio Reino de León con 1493 espectadores.
