A S.D. Compostela afrontaba un partido decisivo ante o Celta ‘B’ nun duelo directo na loita pola permanencia. O propio adestrador do Compostela, Fredi Álvarez, aseguraba na previa que sería un partido complicado onde ambos equipos terían que lidiar coa ansiedade.
O conxunto santiagués tomou a iniciativa do partido buscando a portería defendida por Iván Villar, ao que Jimmy puxo en apuros ao pouco de empezar, pero o balón escapábase longo para o remate de Dani Hernández nunha clara ocasión de gol.
Tamén Jordan tivo unha gran oportunidade por medio dun disparo de socato que logrou parar o porteiro do Celta ‘B’. A Esedé non deixaba de intentalo subindo o balón pero faltaba acerto de cara a portería como o remate de cabeza de Portela dun saque de córner que se marchaba alto.
O traballo de Manu Rodríguez e Javi Moreno no medio do campo impideu que o cadro dirixido por Alejandro Menéndez fose capaz de chegar ó área da S.D. Compostela ata o minuto 40 cando Borja Igrexas ameazou a portería de Pato cun disparo con rosca que se marchou preto do longueiro. Foi a oportunidade máis clara dos locais para abrir o marcador antes do descanso.
O partido estaba totalmente aberto e ambos equipos marchábanse ao descanso cun 0-0 no marcador nun partido de pouco fútbol, moita presión e intensidade por ambas partes.
Tralo paso por vestiarios os de Alejandro Menéndez volveron ao céspede con outra disposición, moito máis ofensivos e xerando perigo no área da Esedé como no minuto 58 cando Adrián Cuevas quedábase nun man a man con Pato, que rápido de movementos, adiantouse para despexar o balón.
Con esta intensidade o Celta ‘B’ logrou abrir o marcador no min 62 cando, tras un erro defensivo do Compostela, Luís Rioja, que se atopaba completamente só, recuperou un balón colgado e logrou bater a Pato.
O gol outorgoulle confianza ao Celta que apertaba en ataque en busca dun resultado cómodo e a punto estivo de marcar o segundo Borja no minuto 79 tras unha boa xogada con Adrián Cuevas que finalmente logrou salvar a zaga da Esedé.
O tempo apremaba e o gol do Celta fixo moito dano aos de Fredi que apenas foron capaces de chegar a portería na segunda parte. A última oportunidade para lograr o empate tívoa Guillem Martí cun disparo directo que repeliu a defensa local.
Non quedaba tempo para máis e o árbitro sinalaba o final do encontro que outorgou unha vitoria pola mínima ao filial do Celta e deixa á S.D. Compostela nunha situación delicada. Aínda que matemáticamente o conxunto santiagués aínda ten opcións para a salvación, as cousas póñense moi complicadas para os de Fredi, que se ven obrigados a gañar os próximos partidos.
O próximo rival será o líder, o Rácing de Ferrol, que recibirá na Malata á Esedé o vindeiro sábado, 16 de abril, ás 18:15h.
FOTOGRAFÍA: Xoán Carlos Gil. Cedida pola Voz de Galicia.
FICHA TÉCNICA
R.C. CELTA ‘B’ (1): Iván Villar, Kevin, Samuel, Rise, Jonathan de Amo, Jordan-(Borja Fernández, min 56), Xullo Delgado-(Lucas Olaza, min. 88), Adrián Cuevas-(Guille, min. 84), Borja Igrexas, Gus, Luís Rioja.
S.D. COMPOSTELA (0): Pato, Josu, Jimmy, Javi Moreno, Catú, Portela-(Goti, min 75), Dani Hernández-(Fondevila, min. 66), Manu Rodríguez, Guillem, Bicho, Jordan-(Chiño, min 66).
GOLES: 1-0 (min. 62)
ÁRBITRO: Raul chavert García do Comité Territorial Andaluz amonestou con tarxeta amarela por parte da S.D. Compostela a: Javi Moreno (min 23), Fredi (min 31), Portela (min. 51), Pato (min.69), Chiño (min 64), Manu Rodríguez (min 94).
Por parte do Real Club Celta de Vigo ‘B’ amonestou con tarxeta amarela a Jonathan do Amo (min 71).
INCIDENCIAS: Partido de liga correspondente á 33ª xornada de de Segunda División ‘B’, disputado no campo de Barreiro.
