¡Loitamos, sufrimos, insistimos e ante todo non nos rendemos!
Este sábado 23 de abril ás 17:00 afrontamos o terceiro derbi consecutivo ante o Coruxo F.C. e precisámoste ó noso carón porque non tiramos a toalla nesta batalla. Fagamos que San Lázaro sexa a voz que retumbe en Santiago polo club da túa cidade.
Contamos contigo e dende a S.D. Compostela lanzamos unha promoción de entradas para o partido deste sábado mediante a cal cada abonado poderá retirar ata cinco entradas na súa mesma localidade.
Para retirar as entradas poderás facelo ata este venres nas oficinas do club situadas no Estadio Municipal de San Lázaro en horario de 10:00h a 14:00h e de 16:00h a 21:00h. ¡Sodes a parte máis importante deste partido, xogamos convosco!
