Santiago de Compostela, a 29 de Xullo de 2016.
Esta fin de semana a SD Compostela xogará o Triangular de Praíña e o domingo descansará pero, o plantel xa coñece cal será o seu traballo para os próximos quince días, un plan de traballo no que influirá moito a disputa da Copa Deputación da Coruña.
O club comezará a semana con dous días nos que se adestrará en sesión vespertina, como vén sendo habitual estes días. O mércores xogará o partido de Copa Deputación pertencente á terceira rolda. O seu rival sairá do encontro que enfronta este domingo ao Lesende Lousame e ao Corme.
Os dous seguintes días, xoves e venres, volverán os adestramentos, contando co sábado como xornada de descanso. O domingo, se o Compos supera a súa eliminatoria, xogará a cuarta rolda de Copa Deputación. En caso de non superala, contarían con xornada de descanso.
O luns 8, se hai partido o domingo será xornada de descanso. En caso contrario, habería adestramento en xornada vespertina. Martes repetiríase o adestramento e o mércores, haberá ben adestramento, ben enfrontamento de cuartos de final de Copa Deputación, se gañasen a eliminatoria de 4ª rolda, en caso de disputala.
Na xornada do xoves haberá descanso, o venres adestramento ás 19:00, e o fin de semana, en principio libre, aínda que está suxeito a cambios pola disputa de Copa Deputación ou ben por se xorde algún partido amigable.
