- Os xuvenís e o infantil caen derrotados nos seus respectivos partidos ligueiros
Santiago de Compostela, a 13 de Setembro de 2016.
Mala xornada para as categorías inferiores da SD Compostela. Dos catro equipos que xogaron partidos, só o cadete de primeira autonómica conseguiu sacar o seu encontro adiante.
O Xuvenil A, que se estreaba en Liga Nacional contra o Coruxo en As Cancelas, caeu derrotado por dous goles a cinco. O hat-trick de Lucas Lestón pesou demasiado no conxunto santiagués, que foi sempre a remolque no marcador. Mal comezo para os de Vecho que se colocan penúltimos na táboa.
Pola súa banda, o Xuvenil de Primeira Autonómica, tamén perdeu na súa visita ao Sálvora FC. Tres goles en dez minutos impediron que os mozos de Ángel Domínguez sumasen o seu primeiro punto do campionato.
Mal resultado para os santiagueses, a pesar de que se puxeron por diante no marcador ben cedo. No minuto 4, Adrián López adiantaba aos branquiazuis, pero co gol chegou a relaxación e no minuto 14 xa ían perdendo por tres goles a un. No último minuto, Iago Antelo marcaba o segundo do Compos para deixar o resultado final de Sálvora 3-2 SD.
Dentro das notas negativas, o Cadete foi a excepción. Por segunda xornada consecutiva, o conxunto dirixido por Guillermo Gil conseguiu os tres puntos, colocándose no terceiro posto da clasificación.
Este domingo foi o Conxo B o que caeu derrotado ante os branquiazuis. Con goles de Mario Calo, Rodrigo Guada e Ignacio Pereiro, a SD venceu o seu partido e inhabilitou o tanto visitante, obra de Óscar Balsa.
Por último, o Infantil tamén perdeu o seu partido de Liga ante o Valiño Cabo dá Cruz, por cero goles a dous. Despois de gañar na primeira xornada, o equipo santiagués perdeu ante un dos catro equipos invictos na competición.
Os tantos de Anxo Ramos e Martín González deixaron o resultado final de 0-2, que sitúa aos de Cabo dá Cruz cuartos, mentres que a SD queda en undécima posición.
