Santiago de Compostela, a 6 de Xaneiro de 2017.
Despois do protocolario descanso do Nadal, as categorías inferiores da Sociedade Deportiva Compostela retoman as súas respectivas competicións na segunda fin de semana de 2017.
O xuvenil de Liga Nacional pretende retomar a senda da vitoria, despois de que nas últimas dúas xornadas de decembro volvesen caer ao décimo quinto posto. Para iso, tentarán gañar na Grela 1 ao Calasanz, o domingo ás 10:00.
Pola súa banda, o xuvenil B xogará o sábado ás 16:00 no campo Manuel Paz Nogueira ante o Atlético Fátima. O cadro branquiazul, undécimo na táboa, buscará comezar con bo pé esta segunda volta e subir na clasificación.
Si xogará nas Cancelas o cadete, o domingo ás 10:30 ante o CD Rois. Tamén no comezo da segunda parte do campionato, o Compos buscará unha regularidade que lle permita mellorar a súa décima posición.
Tamén de local disputará o seu partido o Infantil A, aínda que no campo da Merced, en Conxo. O seu encontro disputarase ás 10:30 e o seu rival será o Val do Ulla. Os mozos da Esedé tentarán gañar para manterse na parte alta da táboa. Unha zona que quere alcanzar do mesmo xeito o Infantil B, que se medirá ao Vitoria FC o domingo nas Cancelas ás 12:15.
Os únicos que non xogarán neste fin de semana serán os alevíns, tanto o A como o B, xa que o Bexamín tamén volverá a lea o sábado, para disputar nas Cancelas ás 16:30 o seu encontro de liga contra a Compañía de María.
