-
Os cinco primeiros minutos, con dous goles de Deportivo B, decantan o resto do partido.
Santiago de Compostela, a 8 de Xaneiro de 2016.
Non puido ser, a Sociedade Deportiva Compostela non tivo a posibilidade de comezar o ano cunha vitoria, xa que o Deportivo B, moi serio durante todo o partido, conseguiu os tres puntos en San Lázaro. O filial deportivista saíu moi enchufado ao encontro e aos cinco minutos xa gañaba por dous goles, que ao cabo foi o resultado final.
No minuto 2, no segundo córner consecutivo, Lucas levantábase no punto de penalti por encima de todos e o seu remate picado daba no traveseiro, no pau e dentro. Un croque sensacional ao que Lucas non puido chegar.
E no 4, cando o Compos aínda non asimilara o tanto inicial, Blas ampliaba a diferenza. Atopou un espazo no bordo da área e sen pensalo soltou un gran zurdazo que entrou pola escuadra da portería.
Tremendo pau que marcou os 85 minutos restantes. Os dous tantos fixeron moito dano e así foi como nos seguintes dez minutos, o Fabril aínda puido aumentar a súa renda, pero primeiro Lucas salvou perfectamente un gran disparo de Manu Molina á cepa do poste, e despois Jardel non acertaba co arco, despois de deixar sentado a Cardeñosa cun caneo doutra categoría.
Xa asentados no campo, logo deses primeiros quince minutos, o Compos conseguiu achegarse á meta de Álex Cobo. Un centro chute de Mon que se envenenaba pero que cortou moi ben o porteiro visitante e a máis perigosa, e única oportunidade clara de gol do Compos no 25. Roubou o balón Ube na frontal, moveu rápido e atopou a Tomás só na área, este disparou forte abaixo, pero Álex Cobo sacou a relucir unha sensacional manopla que evitaba o tanto, aínda que ben puido ser gol xa que no rebote do porteiro, Santi Gegunde empuxou o balón á rede, pero estaba en fóra de xogo.
Despois desta ocasión, o Deportivo xa non quixo arriscar e as ocasións desapareceron. Foron 20 minutos ata o descanso, no que o máis destacado foi a lesión de Diego Rey, que recibiu un golpe nas súas partes nobres e non puido continuar.
Xa na segunda parte, e coa entrada de Nogueira, Rubén e Make, o Compos tentouno pero sen sorte. Correu e loitou cada balón, pero faltou frescura de ideas cando recuperaba o balón. Así, a única ocasión desta segunda metade foi un tiro de Manu Molina nun contraataque que pegou no poste. Antes de acabar, aínda houbo tempo para que o Compos protestase un posible penalti sobre David Nogueira, que caeu na área despois dun encontrón cun rival.
Con todo, o árbitro non sinalou nada e o partido pechouse cos tres cambios no desconto do filial branquiazul. Unha derrota que deixa ao equipo nesa zona intermedia da que pretende saír, para poder loitar por cotas maiores. A partir da semana que vén, outro galo ten que cantar.
FICHA TÉCNICA
0- SD Compostela: Lucas; Saro, Cardeñosa, Taboada, Cabrejo; Ube (Make, m.73), Samu (Rubén, m.69); Mon, Tomás, Diego Rey (David Nogueira, m.32) y Santi Gegunde.
2- RC Deportivo B: Álex Cobo; Blas, Arnau, Lucas, Quique; Edu Expósito, Queijeiro; Pinchi (Hugo Rama, m.93), Manu Molina (Alex Corredera, m.92), Borja Galán; y Jardel (Borja Domingo, m.92):
Goles: 0-1: Lucas, min.2; 0-2: Blas, min.4.
Árbitro: Pastoriza Iglesias, colegio pontevedrés. Amonestó a Make, Cardeñosa, Rubén y Tomás, por los locales; y a Arnau y Pinchi, por los visitantes.
Incidencias: Partido de la vigésima jornada de liga de Tercera División disputado en el Estadio Municipal de San Lázaro ante 730 espectadores. Antes del pitido inicial, Julián recibió una camiseta firmada por todo el equipo y realizó el saque de honor.
