Santiago de Compostela, a 10 de Xaneiro de 2017.
Un novo paso histórico para a Sociedade Deportiva Compostela. Este venres ás 19:00 na tenda oficial do club, situada na tenda Reizentolo de Rúa do Vilar 43, a entidade presentará a primeira colección de cromos propia.
Será un álbum no que se atoparán todas as categorías da Esedé, desde os benxamíns ata o primeiro equipo, así como os diferentes corpos técnicos, traballadores e directiva do club.
Ao acto acudirán varios xogadores do primeiro plantel, parte do corpo técnico, directivos, así como os integrantes das categorías inferiores do equipo.
Ademais, queremos convidar a todos os compostelanistas para que veñan a esta presentación. Todos aqueles que acudan levarán de agasallo o álbum oficial, así como un sobre de cromos. Do mesmo xeito, todos os que sexan socios terán un 10% de desconto nos produtos Reizentolo que atopamos na tenda.
