“Espero moito deste club, porque foi o que me fixo debutar en Segunda B”

11 de Xaneiro de 2017
  • Lorenzo Riveiro mostrouse encantado da oportunidade que se lle presenta.

De esq. a der.: Gonzalo, xerente de 442 Botas; Lorenzo Riveiro e Manu Castiñeiras.
De esq. a der.: Gonzalo, xerente de 442 Botas; Lorenzo Riveiro e Manu Castiñeiras.

Santiago de Compostela, a 11 de Xaneiro de 2017.

A novo meta do Compos xa está aquí. Lorenzo Riveiro Oliveira presentouse hoxe ante os medios, nun acto realizado na tenda de 442 Botas, en Área Central. Acompañado polo director deportivo do equipo, Manuel Castiñeiras, o porteiro padronés mostrouse moi feliz da oportunidade que se lle presentou. “Non estaba a contar con moitos minutos no Alondras e ademais este club quédame á beira de casa, así que non mo pensei”, dixo.

Ademais, Lorenzo gárdalle un agarimo especial ao Compostela, xa que “foi o equipo que me deu a oportunidade de debutar en Segunda B”. Desde esa etapa, “as cousas cambiaron moito”, aínda que puntualiza que “hai moitos coñecidos: o adestrador, o corpo técnico e máis da metade dos xogadores”.

Un deses vellos coñecidos é o seu rival na posición, Lucas, co que garda unha boa relación. “Cando estaba aquí, Lucas era xuvenil. Teño unha relación moi boa, paréceme un gran porteiro, xa daquelas víanselle maneiras, pero é que agora está máis alto, máis forte e véselle moito máis veterano”, explica.

Do resto de compañeiros, cos cales compartirá vestiario polo menos ata final de campaña, xa que asina por medio ano, considera que “é un grupo cun gran ambiente”. Todos eles forman parte “dun proxecto a longo prazo e creo que están a facer unha boa campaña, cun gran xogo combinativo”.

En canto ás negociacións, o padronés explicou que todo empezou con Pablo, o adestrador de porteiros: “El foi o que contactou comigo, o que me preguntou como estaba a miña situación no Alondras”. Despois, debido “a que non estaba a participar moito, Casti chamou ao presidente e pechouse a operación”. Dela, quixo agradecer por unha banda “o interese do Compos” e polo outro “as facilidades dadas polo presidente do Alondras para que se pechase todo”.

Adestrando desde o luns co grupo, a Lorenzo non lle chega a hora de redebutar coa Sociedade Deportiva Compostela.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

3 days ago

SD Compostela
🩵🤍 Grazas, Pato!🎙️ Rolda de prensa de despedida do porteiro tras seis tempadas defendendo a portería branquiazul 🧤🤝 Sempre un dos nosos! ... See MoreSee Less
Ver en Facebook

3 days ago

SD Compostela
⚽️ Semana de adestramentos👉 O equipo inicia unha nova semana con catro sesións previstas, todas elas no campo do Sergas ... See MoreSee Less
Ver en Facebook

7 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

All contents © copyright SD Compostela. All rights reserved.