- Tomás Abelleira recibirá o premio nun acto que tamén servirá como quedada para intercambiar os nosos cromos.
Santiago de Compostela, a 24 de Xaneiro de 2017.
Despois de ser elixido polos afeccionados como o mellor xogador da primeira volta, Tomás Abelleira recibirá este mércores o trofeo que o consagra como o #Jugador5EstrellasCOMPOS da primeira parte do campionato.
A achega dos nosos seguidores a través do twitter de @futbolMahou foi decisiva para que o mediapunta gañase este galardón. Os seus sete goles, así como as grandes actuacións asinadas no que é o seu primeiro ano no Compos, convertérono en digno merecedor do premio.
Deste xeito, este mércores, na tenda oficial do club, en Reizentolo, ás 11h, Tomás recibirá o trofeo por parte de Jesús Manuel Sáez, Field Márketing Rexional de Mahou. No acto tamén estará presente o presidente da Sociedade Deportiva Compostela, Antonio Quinteiro.
Ademais, desde o Compos queremos convidarlles a que nos acompañen nesta entrega, xa que se realiza grazas a todos vós. Unha cita que podemos aproveitar tamén para intercambiar os nosos cromos repetidos. Que mellor lugar que o segundo fogar dos compostelanistas, para realizar un acto e un intercambio deste tipo. Agardámosvos.
