Santiago de Compostela, a 27 de Febreiro de 2017.
O venres pasado vivimos unha celebración diferente na Sociedade Deportiva Compostela, celebramos o entroido coa nosa primeira cea de entroido. Un acto no que tivemos o pracer de contar cun centenar de persoas que se achegaron, moitos deles disfrazados, a degustar un gran cocido nun ambiente de alegría e goce.
Todos os asistentes, ademais de cear, tamén participaron na repartición de varios premios e viviron en vivo o concerto dun gran Xosé Constenla. Foi todo un pack, no que todos o pasamos en grande.
Por iso, desde a directiva queren agradecer a todas as persoas que viñeron ao acto, así como a todos os que colaboraron para que fose posible un evento desta índole. Falamos de Kia, Kilarny, ReiZentolo, Interiorismo Modular, Queixeria Barral, Mahou, Hotel OCA Porta do Camiño, Otero Rodríguez Hermanos, Audiovisuais MCN, Disbecom e como non a Pepe Constenla e o seu grupo.
En palabras de Javier Puñal, director de márketing do club, “o Compos quere estar preto de todos vós e crecer con forza, ilusión e da man de toda a afección e cidade”. Por iso, e adiantándoo, “esperámosvos a próxima tempada neste evento tan emotivo e significativo”.