Santiago de Compostela, a 20 de Marzo de 2017.
O próximo domingo día 26 de marzo de 2017 viviremos en San Lázaro un auténtico partidazo entre dous candidatos ao playoff de ascenso do grupo 1 da Terceira División. SD Compostela e Arosa SC enfrontaranse ás 17h en San Lázaro, buscando achegarse aos postos de honra da clasificación.
Dada a entidade do partido, o club quere contar con todo o voso ánimo nesta gran cita, apoiando a Sociedade Deportiva Compostela no que será o partido seleccionado como “Día do Club”.
Por tanto, como excepción na tempada, os socios pagarán entrada para o encontro. Iso sí, o prezo das súas entradas será de 5€, a metade dunha entrada normal.
Para facilitar o traballo dos nosos operarios, aconsellamos que todos os socios que poidan se acerquen polas oficinas do club desde o luns ata o venres para conseguir as entradas, evitando así posibles colas e problemas de última hora nas portas do Estadio o día do partido.
Ademais, para o restos de afeccionados que queiran asistir tamén ao encontro, as entradas estarán a 10€ para menores de 11 a 17 anos, mentres que a entrada xeral estará a 15€. Os menores de 10 anos entran gratis.
A forza do Compos está nos seus afeccionados. Compostelanízate.
