Ao Compos escápanselle os tres puntos en Calabagueiros

19 de Marzo de 2017
Celebración do gol de Diego Rey. Foto: Amadeo Rey.
Celebración do gol de Diego Rey. Foto: Amadeo Rey.

Santiago de Compostela, a 19 de Marzo de 2017.

Por moi pouco. A Sociedade Deportiva Compostela empatou esta tarde ante o Barco a un gol, nun partido no que se puxo por diante, rozou o segundo, pero que empatarían os locais na parte final do choque.

Foi un choque cunha primeira parte de moito control e poucas ocasións, e unha segunda frenética na que se viron os goles de Diego Rey polos branquiazuis e de Beceiro polos vermellos.

Con dous cambios na liña defensiva respecto ao domingo pasado, Saro e David Rey, saíu o Compos ao campo de Calabagueiros buscando sumar o seu segundo triunfo consecutivo. Para iso, e tal como e como adiantou Yago en rolda de prensa, o equipo santiagués tentaba levar a posesión ante un Barco que non se acazapaba atrás e que tamén tentaba manter o coiro nos seus cernes.

Aínda así, froito da calidade da posesión visitante, chegou a nosa ocasión máis clara da primeira metade. Un centro de Ube que, tras golpear contra un defensa, se envenenaba cara á portería de Vicente, pero o porteiro local era capaz de reaccionar e despexaba o coiro a córner.

Con todo, os visitantes reaccionarían pasada a media hora de xogo, cando nunha contra moi ben levada, Borja estaba a piques de adiantar aos seus, aínda que o intento era anulado polo arbitro que sinalaba fóra de xogo. O mediocentro pescara un tiro no interior da área, que se ía por encima de Lucas e pegara na parte superior do traveseiro da portería local.

Con todo, á saída do descanso desatáronse as hostilidades e as ocasións de perigo comezaron a chegar en ambas as áreas. Primeiro, no 53, avisaba o Compos cun maxistral lanzamento de falta de Mon desde a frontal, que se escapaba rozando o poste.

E cinco máis tarde chegaría o gol visitante. Cun chisco de sorte, Diego Rey levaba de rebote un despexe de Omar, quedándose así só diante do porteiro, ao que bateu cun toque de calidade.

Facía o máis difícil a SD Compostela, pero aínda quedaban moitos minutos para sufrir. Así, no 72, o gato Lucas sacaba a relucir os seus reflexos nunha dobre ocasión. Primeiro despexaba a córner un disparo de Ivi Vales, e á saída do mesmo, volvía reaccionar tras o cabezazo de Javi Ballesteros.

Esta dobre parada estimulou aos nosos que tiveron máis paciencia e a punto estiveron de marcar o segundo. Recoba soltaría un disparo sensacional que non entrou de puro milagre, xa que o balón golpeou na cruzeta.

Con todo, cando máis controlado estaba o partido, chegou o empate. Nun patadón arriba, o Barco aproveitou a altura de Ballesteros e a velocidade de Beceiro. O primeiro peiteou o balón e o segundo, gañando por velocidade á defensa visitante, plantábase só diante de Lucas e batíao por baixo.

Foi todo un subidón de moral para os visitantes que case marcan o segundo nun balón ao segundo pau ao que non chegou Borja por moi pouco. Con todo, a última e máis clara sería santiaguesa. Un libre indirecto na área pequena que non fomos capaces de aproveitar, xa que o disparo de Recoba chocaría coa muralla defensiva local. Foi a última dunha segunda parte frenética, na que o Compos rozou a súa segunda vitoria consecutiva.

Con este punto, o Compos queda a seis puntos do cuarto posto, o cal ocupa un Arousa que visitará San Lázaro o vindeiro domingo, nun partido de vital importancia para seguir con opcións de entrar nos postos de playoff. Con todo o voso apoio, no que será o día do club, esperamos máis sorte que no día de hoxe. A chama do Compostela segue viva.

FICHA TÉCNICA:

1- CD Barco: Vicente; Tato (Adil, m.78), Cristobal Juncal, Pablo Corzo, Omar; Rubén García (Recamán, m.65), Borja; Iago Beceiro (Brais, m.85), David Álvarez, Ivi Vales; e Javi Ballesteros.

1- SD Compostela: Lucas; Saro, David Rey, Taboada, Cabrejo; Ube (Rubén, m.86), Mon; Diego Rey, Make, Recoba; e David Nogueira (Santi Gegunde, m.75).

Goles: 0-1: Diego Rey, min.57; 1-1: Iago Beceiro, min.80.

Árbitro: Ferreiro Méndez, colexio lucense. Amoestou a Borja, David Álvarez e Adil, polos locais, e a Mon, Recoba e Ube, polos visitantes.

Incidencias: Partido da trixésima xornada de liga de Terceira División disputado no Campo de Calabagueiros ante 500 espectadores, 75 deles chegados desde Santiago.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

6 hours ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Santi de Prado está de volta! A SD Compostela 24.25 refórzase cun correcamiños para a banda⚽️ Regresa ao Compos para seguir co seu crecemento tras unha sensacional campaña na UD Ourense 𝐒𝐚𝐧𝐭𝐢 𝐝𝐞 𝐏𝐫𝐚𝐝𝐨 🩵🤍✍️ sdcompostela.com/2024/06/20/santi-de-prado-fichaje-sd-compostela/#benvidosantideprado ... See MoreSee Less
Ver en Facebook

1 day ago

SD Compostela
🙌 𝐑𝐄𝐍𝐎𝐕𝐀𝐂𝐈𝐎́𝐍 🩵🤍💪 Gonzalo Landeira ascende ao primeiro plantel do Compos para a Tempada 24.25⚽️ O mediocentro da Canteira Picheleira amplía tamén o seu contrato ata 2025𝐋𝐚𝐧𝐝𝐞𝐢𝐫𝐚 🩵🤍✍️ sdcompostela.com/2024/06/19/landeira-canteira-picheleira-compos/#gonzalolandeira2025 ... See MoreSee Less
Ver en Facebook

2 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Rabanillo, un seguro baixo paus para a portería da SD Compostela ⚽️ O experimentado porteiro, que ven de realizar un gran ano no Club Deportivo Guijuelo, firma por unha tempada𝐑𝐚𝐛𝐚𝐧𝐢𝐥𝐥𝐨 🩵🤍✍️ sdcompostela.com/2024/06/18/rabanillo-fichaje-portero-compos-2425/#benvidorabanillo ... See MoreSee Less
Ver en Facebook

3 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Manu Rivas regresa ao Compos para a Tempada 24.25⚽️ O canteirán branquiazul seguirá coa súa gran proxección no Compos tras destacar no Atlético Arteixo𝐌𝐚𝐧𝐮 𝐑𝐢𝐯𝐚𝐬 🩵🤍✍️ sdcompostela.com/2024/06/17/manu-rivas-canterano-vuelve-compos/#benvidomanurivas ... See MoreSee Less
Ver en Facebook

5 days ago

SD Compostela
🙌 DOUS DOS NOSOS 🩵🤍💪 Álvaro Casas e Pablo Antas seguirán na Tempada 24.25⚽️ Será a 8ª e 6ª campaña, respectivamente, dos dous capitáns do Compos ✍️ sdcompostela.com/2024/06/15/alvaro-casas-pablo-antas-compos-2025/#álvarocasas2025 #pabloantas2025 ... See MoreSee Less
Ver en Facebook

All contents © copyright SD Compostela. All rights reserved.