Santiago de Compostela, a 24 de Abril de 2017.
A SD Compostela iniciou este ano un novo proxecto, novo e ilusionante, coa intención de afianzar un bloque con moita proxección que poida dar grandes resultados nun futuro a medio ou longo prazo. Así, a pesar de que finalmente parece que non entrarán no playoff, o club quere pechar o ano cunha gran festa na que pretende reunir a plantel, corpo técnico e afeccionados.
Para iso, organiza unha “Festa de final de Tempada” que se celebrará o martes 16 de maio, previo ao Día das Letras Galegas, ás 21:30 no Parking de San Lázaro.
A festa constará dun churrasco para quentar motores, aínda que tamén haberá un pulpeiro para aqueles que o desexen, e continuará cos concertos de despois. Ademais haberá carpa, por se non acompaña o tempo, e cantina con prezos populares.
A bandexa de churrasco, que estará composta de churrasco mixto, polo, criollo, pan, garfo e servilleta, custará 5€ para socios, 7€ para non socios e 10€ para todos aqueles que a paguen no propio día.
Para conseguir a entrada por adiantado podes facelo nas oficinas do club, no Estadio de San Lázaro, no horario de oficina, de luns a venres de 10h a 13h e de 16h a 20:30h.
Os concertos comezarán ás 22h coa actuación de Grupo Beatriz de Asturias (Raíña das Festas Asturianas con 6CD no mercado e 160 actuacións anuais). Despois, ao acabar, comezará a Festa “Kyoto” con Manu GZ e Marcos Magan, que acompañarán aos compostelanistas ata a madrugada.
O club espera contar coa maior cantidade de compostelanistas posibles, xa que é unha festa para todos eles. Queremos reforzar a imaxe dun club unido que quere crecer ao redor da súa cidade, Santiago de Compostela.
