Santiago de Compostela, a 3 de Maio de 2017.
Despois de diferentes conversas, varios clubs da contorna de Santiago de Compostela decidiron crear a ‘Asociación Fútbol Base de Santiago de Compostela e Comarca’, co obxectivo prioritario de fomentar e impulsar a práctica da modalidade do fútbol, así como a participación en diversas actividades e competicións deportivas.
Con esta organización preténdese potenciar e amparar os intereses dos clubs que a integran, entre os que se atopan os seguintes: Milladoiro SD, Atlético Fátima, Amio SD, Calo SR, CD Rois, Victoria FC, Escuelas Deportivas Santiago, Villestro SD, SD Compostela, Praíña Sporting Club e Cacheiras SD.
Esta larga nómina de conxuntos pode verse ampliada, xa que calquera club que desexe integrarse na asociación, pode facelo.
Por último, e como primeira mostra de colaboración, todos estes equipos están invitados polo noso club a asistir ao último partido de Liga, que se xogará este domingo en San Lázaro ás 18h contra a SD Negreira. Do mesmo xeito, serán invitados en partidos de próximas tempadas.
