-
O xogador rechazou en varias ocasións a posibilidade de negociar co club.
Santiago de Compostela, a 9 de Xuño de 2017.
O xogador Santiago Taboada Moreno, “Santi Taboada”, non continuará nas filas da Sociedade Deportiva Compostela na vindeira tempada. O que fora o primeiro capitán do plantel en Terceira División, na súa segunda etapa no club, deixa o Compos sen escoitar a proposta de renovación, pois o seu desexo dende un primeiro momento foi o de poder fichar por un equipo de superior categoría, coma en reiteradas ocasións llo fixo saber á dirección deportiva.
No pasado mes de marzo, a dirección deportiva do Compos fixo un primeiro intento de renovar ao seu capitán, tendo una resposta negativa, no senso de que quería esperar a finalizar a tempada, e ver outras opcións si o conxunto non conseguía o ascenso de categoría. Esta foi a primeira ocasión na que o xogador se negou a escoitar algunha oferta.
Unha vez rematada a tempada, o club tentou de novo sentarse a negociar con Taboada, recibindo a mesma resposta que obtivera en marzo, é dicir, que polo momento non ía negociar co Compos e que ía tentar xogar nalgunha categoría superior e incluso no estranxeiro. A dirección deportiva, nesta ocasión, xa lle transmitiu o xogador a posibilidade de buscar outras opcións e que non ía esperar máis. O desexo do xogador era ter ata xullo para atopar equipo, e se non o lograba, sentarse a negociar co Compos. A dirección deportiva entendeu que esta opción non era posible por danar os seus intereses deportivos.
Dende o club queremos desexarlle o mellor a Santi e agradecerlle os seus servizos a esta entidade.
