Santiago de Compostela, a 22 de Xuño de 2017.
O masaxista por excelencia desta nova SD Compostela non seguirá na entidade. Héctor Angueira Campos, logo de seis tempadas no equipo branquiazul, deixará o seu posto como masaxista.
Nestes seis cursos xuntos vivimos varios momentos de alegría, como foron os dous ascensos consecutivos ou o sexto lugar en Segunda B na 14/15, pero tamén outros non tan bos, como o último descenso de categoría.
En todos estes instantes, Héctor traballou como un gran profesional, achegando ademais a súa vitalidade e positividade ao plantel de xogadores. Foi unha peza chave, co seu traballo, en todos estes anos e, por iso, estamos moi agradecidos. Foi unha gran sorte contar cunha persoa así durante tanto tempo. Agora, desexámoslle o mellor para o seu futuro, no momento en que os nosos camiños se separan.
